தல அஜித் நடிப்பில், வெங்கட்பிரபு இயக்கத்தில் உருவான ’மங்காத்தா’ திரைப்படம் வெளியாகி இன்றுடன் 10 ஆண்டுகள் நிறைவு செய்ததை அடுத்து ரசிகர்கள் அதனை சமூக வலைதளங்களில் கொண்டாடி வருகின்றனர் என்பதை பார்த்து வருகிறோம்

குறிப்பாக இந்த படத்தின் தயாரிப்பாளர் தயாநிதி அழகிரி அவர்கள் தனது டுவிட்டர் பக்கத்தில் இந்த படம் குறித்து தனது நினைவலைகளை பகிர்ந்து கொண்டார். இந்த நிலையில் இந்த படத்தில் முக்கிய கேரக்டரில் நடித்த மகத் தன்னுடைய சமூக வலைத்தளத்தில் ’மங்காத்தா’ குறித்து கூறியுள்ளார்

’மங்காத்தா’ படம் உண்மையிலேயே எனக்கு ஒரு சிறப்பான படம். தமிழ் சினிமாவில் 10 ஆண்டுகளில் வெளியான மிகச்சிறந்த படங்களில் ஒன்று ’மங்காத்தா’. எனக்கு முதன்முதலாக ஒரு பெரிய கேரக்டர் இந்த படத்தில் தான் கிடைத்தது. இந்த படம் இல்லை என்றால் நான் இன்று சினிமாவில் இருப்பேனா என்பது சந்தேகமே. இந்த படத்தின் தயாரிப்பாளர், என்னுடைய நண்பரும் இயக்குனருமான வெங்கட்பிரபு, இசையமைப்பாளர் யுவன் சங்கர் ராஜா, மற்றும் இந்த படத்தில் பணிபுரிந்த அனைவருக்கும் இந்த படம் ஒரு அற்புதமான அனுபவமாக இருந்திருக்கும்

மேலும் வைபவ், பிரேம்ஜி, அஸ்வின், அரவிந்த் ஆகாஷ், ராய்லட்சுமி, த்ரிஷா, அஞ்சலி, அர்ஜுன், சுப்பு பஞ்சு ஆகியோர்களும் இந்த மங்காத்தாவை உருவாக்கியதில் பங்கு கொண்டவர்கள். இந்த படத்தில் நடிக்க வாய்ப்பளித்த அனைவருக்கும் நன்றி என்று தெரிவித்துள்ளார்.