பிக்பாஸ் நிகழ்ச்சியில் இருந்து வெளியே வந்த பலர் நிஜவாழ்க்கையில் சினிமா மற்றும் தொலைக்காட்சி வாய்ப்புகள் பெற்று பிசியாக உள்ளனர். பிக்பாஸ் நிகழ்ச்சியின் முதல் பாகத்தில் கலந்து கொண்ட அனைவரது வாழ்க்கை நிலையும் உயர்ந்துள்ளது என்றால் அது மிகையில்லை.

ஆனால் மகத் விஷயத்தில் அது நடக்குமா? என்பது தெரியவில்லை. யாஷிகா மீது தனக்கு காதல் என்று மகத் கூறியுள்ளார். அது ஸ்கிரிப்டாக இருந்தாலும் அவர் பிக்பாஸ் வீட்டின் உள்ளே இருக்கும்போது, வெளியே வந்த பின்னரும் பல பிரச்சனைகளை சந்திக்க வேண்டிய நிலை இருக்கும் என்று எதிர்பார்க்கப்படுகிறது

இந்த நிலையில் ரித்விகா மகத்தின் அடுத்த படம் குறித்து கேட்கும் வீடியோ வெளியாகியுள்ளது. இதில் மகத் நடிக்கும் அடுத்த படத்தின் டைட்டில் 'சிம்பு' என்று கூற அதற்கு ரித்விகா ஆச்சரியம் அடைந்தார். அதுமட்டுமின்றி இந்த படத்தில் சிம்பு சிறப்பு தோற்றத்திலும் நடிக்கவுள்ளதாக கூறினார். இருப்பினும் இந்த படம் குறித்த அதிகாரபூர்வ அறிவிப்பு எதுவும் இதுவரை வெளிவரவில்லை என்பது குறிப்பிடத்தக்கது