மகத் மற்றும் சனா ஆகிய இருவரும் ஹோட்டலில் சிக்கன் பிரியாணி சாப்பிடும் காட்சியின் படப்பிடிப்பு ஒன்று சென்னையில் உள்ள ரெஸ்டாரன்ட் ஒன்றில் படமாக்கப்பட்டுள்ளது.

மகத் நடித்துவரும் திரைப்படங்களில் ஒன்று ’காதல் கண்டிஷன்ஸ் அப்ளை’. இந்த படத்தில் மகத் மற்றும் சனா முக்கிய வேடத்தில் நடித்து வருகின்றனர். அரவிந்த் என்பவர் இயக்கி வரும் இந்தப் படத்தில் விவேக் பிரசன்னா, விஜே மகேஸ்வரி உள்ளிட்ட பலர் நடித்து வருகின்றனர்.

திருச்சியில் இருந்து சென்னை வரும் ஒரு இளம் பெண்ணுக்கும் சென்னையில் உள்ள இளம் வாலிபருக்கும் இடையே ஏற்படும் உறவுகள் அதன் பின் ஏற்படும் சிக்கல்கள் தான் இந்த படத்தின் கதை. ரொமாண்டிக் காதல் திரைப்படமாக உருவாகி வரும் இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது.

இந்த படத்தின் காட்சி ஒன்றில் மகத் மற்றும் சனா ஆகிய இருவரும் ஹோட்டல் ஒன்றில் சென்று சிக்கன் பிரியாணி சாப்பிடுவது போலவும் சிக்கன் பிரியாணியை சனா ருசித்து சாப்பிடுவது போன்ற காட்சி படமாக்கப்பட்டது. இந்த படத்தில் தன்னுடைய கேரக்டர் வித்தியாசமானது என்றும் தனக்கு மிகவும் பிடித்த கேரக்டர் என்றும் சனா கூறியுள்ளார்.

இந்த படத்தின் படப்பிடிப்பு ஏற்கனவே சென்னை, அம்பாசமுத்திரம், திருச்சி, புதுவை, குற்றாலம் ஆகிய பகுதிகளில் நடைபெற்ற நிலையில் இறுதிகட்ட படப்பிடிப்பு தற்போது சென்னையில் நடைபெற்று வருவதாக தெரிகிறது.