సూప‌ర్‌స్టార్ మ‌హేష్ హీరోగా రూపొందుతోన్న చిత్రం 'మ‌హ‌ర్షి'. వంశీ పైడిప‌ల్లి ద‌ర్శ‌క‌త్వంలో అశ్వినీద‌త్, దిల్‌రాజు, పివిపి ఈ చిత్రాన్ని నిర్మిస్తున్నారు. మ‌హేష్ న‌టిస్తోన్న 25వ చిత్ర‌మిది. సినిమాను ఏప్రిల్ 5న విడుద‌ల చేద్దామ‌ని ముందుగా నిర్మాత‌లు భావించినా సినిమా పూర్తి కావ‌డానికి స‌మ‌యం ప‌ట్టేలా ఉండ‌టంతో సినిమాను ఏప్రిల్ 25కు వాయిదా వేశారు.

అయితే ప్ర‌స్తుతం సోష‌ల్ మీడియాలో సినిమా జూన్‌కి వాయిదా ప‌డ్డ‌ట్టు వార్త‌లు విన‌ప‌డుతున్నాయి. దీనిపై యూనిట్ స్పంద‌న లేక‌పోవ‌డంతో సినిమా పోస్ట్‌పోన్మెంట్ క‌న్‌ఫ‌ర్మ్ అయిన‌ట్టేన‌ని అంటున్నారు.

మ‌హేష్ సినిమా వాయిదాకు ఎన్నికలు కూడా కార‌ణంగా క‌న‌ప‌డుతున్నాయి. పూజా హెగ్డే హీరోయిన్‌గా న‌టిస్తోన్న ఈ చిత్రంలో అల్ల‌రి న‌రేష్ మహేష్ స్నేహితుడిగా, కీల‌క‌పాత్ర‌లో క‌నిపిస్తున్నాడు.