ఇదేంటి టైటిల్ చూడగానే ఇదేంటి.. ‘మహర్షి’ పోస్టర్‌కు పవన్ అభిమానులు, జనసేన కార్యకర్తలు ఫిదా అయిపోయి మురిసిపోవడమేంటని ఆశ్చర్యపోతున్నారా..? అవును మీరు వింటున్నది నిజమే. సోషల్ మీడియా వేదికగా పవన్ ఫ్యాన్స్, ప్రభాస్ ఫ్యాన్స్, అల్లుఅర్జున్, సూపర్‌స్టార్ మహేష్ బాబు ఫ్యాన్స్  ఒకరిపై మరొకరు పెద్ద ఎత్తున ట్రోల్స్ చేసుకుంటూ ఉంటారు. ఏవేవో చిత్రవిచిత్రాలుగా ఫొటోలు మార్పింగ్ చేసి.. ఒక హీరో ఫ్యాన్స్‌ని మరో హీరో ఫ్యాన్స్ ఇలా ఓ రేంజ్‌లో ట్రోల్ చేసుకుంటూ.. ఎదురెదురుగా ఉంటే కొట్టుకుంటారేమో అన్నంతగా ట్రోల్స్ చేస్తుంటారు. 

అయితే తాజాగా రిలీజైన ‘మహర్షి’ పోస్టర్‌ను చూసి పవన్ అభిమానులు మాత్రం ఫిదా అయిపోయారు. ఇందుకు కారణమేంటంటే.. ఇటీవల సార్వత్రిక ఎన్నికల్లో జనసేన పార్టీకి ఎన్నికల కమిషన్ ‘గాజు గ్లాసు’ కేటాయించిన సంగతి తెలిసిందే. అయితే మహర్షి పోస్టర్‌లో కూడా మహేశ్ ‘గాజు గ్లాసు’లో టీ తాగుతున్నట్లు ఉంది. దీంతో చూశారా.. మా అభిమాన హీరో సినిమాల్లో ఉన్నా ట్రెండ్ సెట్టరే.. రాజకీయాల్లో ఉన్నా ట్రెండ్ సెట్టరే అంటూ పవన్ ఫ్యాన్స్ చెప్పుకుంటున్నారు. ఈ పోస్టర్‌ను పెద్ద ఎత్తున షేర్ చేస్తున్నారు. జనసేన కార్యకర్తలు ఫుల్‌గా ఇంప్రెస్ అయిపోయారు. ఓ వైపు మహేశ్ అభిమానులు.. మరో వైపు పవన్ అభిమానులు ఈ పోస్టర్‌ను షేర్ చేస్తుండటంతో చిత్రబృందం ఆనందంలో మునిగి తేలుతోంది.