'మ‌హ‌ర్షి' తొలిపాట విడుదలకు ముహూర్తం ఖరారు
- IndiaGlitz, [Saturday,March 23 2019]
సూప‌ర్‌స్టార్ మ‌హేష్ 25వ చిత్రం 'మ‌హ‌ర్షి' రెండు పాట‌లు మాత్ర‌మే బ్యాలెన్స్ ఉన్నాయి. ఏప్రిల్ 12 నాటికి ఈ పాట‌ల్ని కూడా పూర్తి చేసేస్తారు. మ‌రో వైపు పోస్ట్ ప్రొడ‌క్ష‌న్ కార్య‌క్ర‌మాలు శ‌ర‌వేగంగా జ‌రుగుతున్నాయి. మే 9న విడుదల చేయ‌బోయే ఈ సినిమాకు సంబంధించిన ప్రమోష‌న్స్ వ‌ర్క్స్‌లో స్పీడు పెంచనున్నారు.
అందులో భాగంగా దేవిశ్రీ సంగీం అందించిన పాట‌ల్లో తొలి పాట‌ను మార్చి 29న విడుదల చేయ‌బోతున్న‌ట్లు అధికారికంగా పోస్ట‌ర్‌ను విడుదల చేశారు. సినిమా పై అంచ‌నాలు పెంచే క్ర‌మంలో టీజ‌ర్స్‌, పాట‌లే ముఖ్య భూమిక పోషిస్తాయి.
మ‌రిప్పుడు 29న విడుదల కాబోయే పాట ఎలా ఉండ‌బోతుందోన‌ని అభిమానుల్లో ఆస‌క్తిగా ఉంది. పూజా హెగ్డే హీరోయిన్‌గా నటిస్తున్న ఈ సినిమాలో అల్ల‌రి న‌రేష్ ముఖ్య పాత్ర‌లో న‌టించారు.