தமிழகத்தில் காவிரி பிரச்சனை கொளுந்துவிட்டு எரியும் நிலையில் சென்னையில் ஐபிஎல் போட்டிகள் நடத்தக்கூடாது என ஒருசில அரசியல் கட்சிகள் போர்க்கொடி தூக்கியதால், வேறு வழியின்றி சென்னையில் நடத்த திட்டமிட்டிருந்த ஐபிஎல் போட்டிகளை புனேவில் நடத்த ஐபிஎல் நிர்வாகம் முடிவு செய்தது

ஆனால் புனேவிலும் சிஎஸ்கே போட்டிகளை நடத்த எதிர்ப்பு கிளம்பியுள்ளது. ஏற்கனவே புனேவில் கோடை வெயில் கொளுத்தும் இந்த நேரத்தில் மக்களுக்கு குடிநீர் கிடைக்காமல் தண்ணீர்ப்பஞ்சம் தலைவிரித்து ஆடுகிறது. இந்த நிலையில் புனே மைதானத்தை பராமரிக்க தண்ணீர் அதிகளவு செலவு செய்ய வேண்டி இருக்கும் என்றும் இதனால் புனேவில் ஐபிஎல் போட்டிகளை நடத்தக்கூடாது என்றும் மகாராஷ்டிரா அரசு மும்பை ஐகோர்ட்டில் வழக்கு தொடுத்துள்ளது.

இந்த வழக்கை விசாரணை செய்த மும்பை ஐகோர்ட், 'மக்களுக்கே தண்ணீர் பற்றாக்குறை இருக்கும் நிலையில் புனே மைதானத்தை பராமரிக்க போதுமான தண்ணீர் உள்ளதா? மைதானத்திற்கு தேவையான தண்ணீரை எங்கிருந்து கொண்டு வருவீர்கள் என்று மகாராஷ்டிர கிரிக்கெட் வாரியத்துக்கு மும்பை ஐகோர்ட் கேள்வி எழுப்பியுள்ளது. இந்த கேள்விக்கு பதில் சொல்ல வேண்டிய கட்டாயத்தில் ஐபிஎல் நிர்வாகம் இருப்பதால் புனேவிலும் போட்டி நடப்பது உறுதி செய்யப்படாமல் உள்ளது.