యువ క‌థానాయ‌కుడు శ‌ర్వానంద్‌, యూత్‌ఫుల్ చిత్రాల ద‌ర్శ‌కుడు మారుతి కాంబినేష‌న్‌లో వ‌స్తున్న చిత్రం 'మ‌హానుభావుడు'. ద‌స‌రా కానుక‌గా రానున్న ఈ చిత్రంలో మెహ‌రీన్ హీరోయిన్‌గా న‌టిస్తుంటే.. థ‌మ‌న్ సంగీత‌మందిస్తున్నాడు. ఈ రోజే విడుద‌ల చేసిన టైటిల్ ట్రాక్‌కి మంచి స్పంద‌న ల‌భిస్తోంది. పాట బాగుందంటూ ట్వీట్ చేసిన అభిమానుల కాంప్లిమెంట్స్‌ని రీట్వీట్ చేయ‌డంలో ఉద‌యం నుంచి థ‌మ‌న్ బిజీ అయ్యాడు.

ఇదిలా ఉంటే.. 'మ‌హానుభావుడు' పాట‌ల‌న్నీ విన్నాన‌ని, అయితే పాట‌ల‌న్నింటిలోకి టైటిల్ సాంగే హైలెట్ గా ఉంద‌ని ర‌చయిత‌, ద‌ర్శ‌కుడు బివీఎస్ ర‌వి ట్విట్ట‌ర్‌లో చెప్పుకొచ్చాడు. గ‌తంలో గోపీచంద్‌తో 'వాంటెడ్' చిత్రాన్ని రూపొందించిన ర‌వి.. ప్ర‌స్తుతం సాయిధ‌ర‌మ్ తేజ్‌తో 'జ‌వాన్' తెర‌కెక్కిస్తున్నాడు. ఆ చిత్రానికి సంగీత‌మందిస్తున్న థ‌మ‌న్‌, అందులోని హీరోయిన్ మెహ‌రీన్ 'మ‌హానుభావుడు' టీమ్‌లోనూ ఉన్నారు. అందుకే థ‌మ‌న్‌తో ఉన్న చ‌నువుకొద్ది ఆ పాట‌లు త‌ను ముందే వినేశాడ‌న్న‌మాట‌. మ‌రి ర‌వి చెప్పినట్లుగానే టైటిల్ సాంగే హైలెట్ అవుతుందో లేదో తెలియాలంటే మ‌నం కూడా ఫుల్ ఆల్బ‌మ్ వినాల్సిందే. అందుకు ఇంకా కొంచెం టైం పడుతుందిలెండి.