நள்ளிரவில் ஒரு சர்ப்ரைஸ்.. கணவர் ரவீந்தர் குறித்து நடிகை மகாலட்சுமி..!
- IndiaGlitz, [Thursday,March 21 2024]
நடிகை மகாலட்சுமி இன்று தனது பிறந்தநாளை கொண்டாடி வரும் நிலையில் தனது கணவர் நள்ளிரவில் சர்ப்ரைஸ் ஆக கேக் கொடுத்து என்னை ஆச்சரியப்படுத்தினார் என்று அவர் தனது இன்ஸ்டாகிராம் பக்கத்தில் பதிவு செய்துள்ளார். இந்த பதிவில் அவர் கூறியிருப்பதாவது:
இந்த ஆண்டு என்னுடைய பிறந்தநாள் பல கலவையான உணர்வுகளால் நிரப்பப்பட்டு உள்ளது, என்னுடைய கணவர் நள்ளிரவில் ஒரு சுவையான கேக் கொடுத்து என்னை ஆச்சரியப்படுத்தினார். அவரை நான் கணவனாக பெற்றதை அதிர்ஷ்டசாலியாக கருதுகிறேன்.
மேலும் இன்று எனது பிறந்த நாளில் என் அம்மா மற்றும் சகோதரர் என்னை மனவளர்ச்சி குன்றிய நபர்கள் இருக்கும் இடத்திற்கு அழைத்து சென்றனர். அங்கு உணவு தானம் செய்தது என்னுடைய மனதை தொடும் சம்பவமாக இருந்தது. என்னுடைய அம்மாவிற்கும் என்னுடைய தம்பிக்கும் நன்றி... என்று தெரிவித்துள்ளார்.
மேலும் கணவர் கொடுத்த கேக் புகைப்படத்தையும் மகாலட்சுமி பதிவு செய்துள்ள நிலையில் அதில் ’ஹாப்பி பர்த்டே மை பொண்டாட்டி அம்மு’ என்று குறிப்பிடப்பட்டுள்ளது. மேலும் மகாலட்சுமி தனது கணவருக்கு கேக் ஊட்டும் புகைப்படம், ரவீந்தர் தனது மனைவிக்கு கேக் கூட்டம் புகைப்படம் ஆகியவை அதில் உள்ளது. மேலும் மகாலட்சுமியின் மகன் இந்த பிறந்தநாள் கொண்டாட்டத்தில் கலந்து கொண்ட புகைப்படங்கள் உள்ளது என்பது குறிப்பிடத்தக்கது
இந்த நிலையில் மகாலட்சுமி தனது அடுத்த பதிவில் பிறந்தநாளில் பலருக்கும் முன்மாதிரியாக இருக்க வேண்டும் என்ற முடிவு செய்த நான் விலைமதிப்பற்ற பரிசை வழங்க முடிவு செய்துள்ளேன், இதுதான் உடல் உறுப்பு தானம் செய்து உள்ளேன். இது என்னுடைய வாழ்க்கை பரிசு என்று பதிவு செய்துள்ள நிலையில் அந்த பதிவு தற்போது இணையத்தில் வைரல் ஆகி வருகிறது...