குழந்தைகளுக்கு '24' படக்குழுவினர் தரும் மேஜிக் பரிசு
- IndiaGlitz, [Wednesday,May 11 2016]
சூர்யா நடிப்பில் கடந்த வெள்ளியன்று வெளியான '24' திரைப்படம் உலகம் முழுவதும் திரையரங்குகளில் வெற்றிகரமாக ஓடிக்கொண்டிருக்கின்றது. இந்நிலையில் இந்த படத்தின் வாட்ச் கான்செப்ட் குழந்தைகளை வெகுவாக கவர்ந்துள்ளதாக செய்திகள் வெளிவந்துள்ளதால் குழந்தைகளை அதிகளவு திரையரங்குகளுக்கு வரவழைக்க '24' படக்குழுவினர் புதிய அறிவிப்பு ஒன்றை வெளியிட்டுள்ளனர்.
இதன்படி இந்த படத்தை பார்க்க வரும் குழந்தைகளுக்கு மேஜிக் வாட்ச் ஒன்று பரிசாக அளிக்கப்படும் என்று விளம்பரப்படுத்தப்பட்டுள்ளது. இதன்மூலம் இந்த படத்தின் வசூல் இன்னும் அதிகரிக்கும் என எதிர்பார்க்கப்படுகிறது.
சூர்யா, சமந்தா, நித்யாமேனன் உள்ளிட்ட பலர் நடித்துள்ள இந்த படத்தை விக்ரம்குமார் இயக்கியுள்ளார். ஏ.ஆர்.ரஹ்மான் இசையில் உருவாகியுள்ள இந்த படத்தை சூர்யா தன்னுடைய 2D எண்டர்டெயின்மெண்ட் நிறுவனத்தின் சார்பில் தயாரித்துள்ளார்.