விஜய்யை அரசியலுக்கு இழுக்கும் பிரசாந்த் கிஷோர்-ஜெகந்நாதன் ரெட்டி? பரபரப்பு போஸ்டர்
- IndiaGlitz, [Tuesday,February 11 2020]
கற்பனை வளத்துடன் கூடிய போஸ்டர் அடிப்பதில் மதுரை ரசிகர்களை மிஞ்ச யாரும் இல்லை என்பது தெரிந்ததே. ஏற்கனவே மதுரை ரசிகர்கள் பல சர்ச்சைக்குரிய போஸ்டர்களை வெளியிட்டு பரபரப்பை ஏற்படுத்திய நிலையில் தற்போது விஜய்யை ஆந்திர முதல்வர் ஜெகநாதன் ரெட்டியும் கார்ப்பரேட் நிறுவனர் பிரசாந்த் கிஷோர் இணைந்து அரசியலுக்கு இழுக்கும் ஒரு போஸ்டரை ஒட்டி பரபரப்பை மதுரை விஜய் ரசிகர்கள் ஏற்படுத்தி உள்ளனர்.
அந்த போஸ்டரில் ’ஆந்திராவை நாங்கள் காப்பாற்றிவிட்டோம், தமிழ்நாட்டை நீங்கள் தான் காப்பாற்ற வேண்டும் என்று ஜெகநாதன் ரெட்டி மற்றும் பிரசாந்த் கிஷோர் ஆகிய இருவரும் விஜய்யிடம் கூறுவது போல் அந்த போஸ்டர் உருவாக்கப்பட்டுள்ளது.
ஏற்கனவே பிரசாந்த் கிஷோர் உதவியுடன்தான் ஆந்திராவில் ஜெகநாதன் ரெட்டி ஆட்சியை பிடித்தார் என்பது குறிப்பிடத்தக்கது. இந்த நிலையில் விஜய் தமிழகத்தில் அரசியலில் குதித்தால் பிரசாந்த் கிஷோர் உதவ தயார் என்று கூறும் வகையில் இந்த போஸ்டர் அமைக்கப்பட்டுள்ளது. இன்னும் தமிழக சட்டமன்ற தேர்தலுக்கு ஒரு வருடம் இருக்கும் நிலையில் விஜய் அதிரடியாக அரசியல் முடிவை எடுப்பாரா? என்று தெரியாது. ஆனால் இந்த போஸ்டரில் உள்ளது போல் உண்மையில் நடந்தால் நன்றாக இருக்கும் என விஜய் ரசிகர்கள் கருத்து கூறி வருகின்றனர்.