சினிமா நடிகர்களை அரசியலுக்கு வர சொல்லும் போஸ்டர் கலாச்சாரம் மதுரையில் இருந்து தான் தொடங்கும் என்பது தெரிந்ததே. சமீபத்தில் கூட தளபதி விஜய்யை அரசியலுக்கு அழைக்கும் போஸ்டர்கள் மதுரையில் தொடங்கி அதன் பின்னர் சென்னை வரை பரவியது என்பது குறிப்பிடத்தக்கது.

இந்த நிலையில் தற்போது ரஜினியை மீண்டும் அரசியலுக்கு வர வழைக்கும் போஸ்டரை அவரது ரசிகர்கள் மதுரையில் ஒட்டியுள்ளனர். ரஜினிகாந்த் அரசியலுக்கு வருவாரா? மாட்டாரா? என்பது குறித்த சர்ச்சைகள் எழுந்து வரும் நிலையில் அவர் எழுதியது போன்ற ஒரு கடிதம் சமீபத்தில் வைரல் ஆனது என்பதும் இந்த கடிதத்திற்கு ரஜினிகாந்த் விளக்கம் அளித்த போது அது தன்னுடையது கடிதம் இல்லை என்றாலும் தன்னுடைய உடல் நிலை குறித்து அதில் இருந்த தகவல்கள் உண்மை என்றும் குறிப்பிட்டிருந்தார்.

இதனை வைத்து ரஜினிகாந்த் அரசியலுக்கு வரமாட்டார் என்று ஒரு பிரிவினர்களும், கண்டிப்பாக பிப்ரவரி மாதம் ரஜினிகாந்த் அரசியலுக்கு வருவார் என்று இன்னொரு பிரிவினரும் வாத விவாதங்கள் செய்து வருகின்றனர்.

இந்த நிலையில் மதுரையில் ரஜினி ரசிகர்கள் புதிய போஸ்டர்களை ஒட்டி இருப்பது பெரும் பரபரப்பை ஏற்படுத்தி உள்ளனர்.

காலத்தின் கட்டளையை நான் மறுக்க மாட்டேன்
வார்த்தையா? வாக்கா?
முடிவு செய்யுங்கள் தலைவா
முடிவு சொல்லுங்கள் தலைவா

என்று ஒட்டப்பட்டுள்ள இந்த போஸ்டர்கள் பெரும் பரபரப்பை ஏற்படுத்தி உள்ளது.