மனைவியுடன் கள்ளக்காதலில் இருந்த உயிர் நண்பனை வழக்கறிஞர் ஒருவர் அடித்துக் கொலை செய்த சம்பவம் மதுரையில் பெரும் பரபரப்பை ஏற்படுத்தி உள்ளது

மதுரையைச் சேர்ந்த வழக்கறிஞர் செந்தில் என்பவர் தனது உயிர் நண்பர் சாக்ரடீஸ் என்பவர் வழக்கு ஒன்றில் ஆஜராவதற்கு மதுரை நீதிமன்றம் வந்த போது தன்னுடைய வீட்டிற்கு அழைத்துச் சென்றார். அப்போது அவர் சாக்ரடீஸுக்கு மது அருந்த கொடுத்ததாக தெரிகிறது

மது அருந்தியபின் போதையில் இருந்த செந்தில் தனது நண்பரான சாக்ரடீஸிடம் என் மனைவியிடம் நீ கள்ளத் தொடர்பில் இருந்தாய் என்றும் என் மனைவி என்னைவிட்டு பிரிவதற்கு நீ தான் காரணம் என்றும் கூறியுள்ளார். இதனால் இருவருக்கும் வாக்குவாதம் நடந்துள்ளதாக தெரிகிறது

இதனை அடுத்து சாக்ரடீசை வழக்கறிஞர் செந்தில் அடித்துக் கொலை செய்துள்ளார். அதன்பின் அவர் தனது நண்பர் சையது ஜாபர் என்பவருடன் சேர்ந்து சாக்ரடீஸ் உடலை ஆட்டோவில் ஏற்றி வைகை ஆற்றங்கரையில் உடலை வீசி எறித்திருக்கிறார்கள்

இந்த நிலையில் வைகை ஆற்றங்கரையில் பிணம் ஒன்று இருப்பதாக போலீசாருக்கு தகவல் வந்ததையடுத்து அந்தப் பிணத்தை கைப்பற்றி அவர் சாக்ரடீஸ் தான் என்பதை கண்டுபிடித்தனர். அதன் பின்னர் இதுகுறித்த விசாரணையில் இறங்கிய போது அவரது உயிர் நண்பர் செந்தில் மற்றும் அவரது நண்பர் சையது ஜாபர் தான் இந்த கொலை செய்தனர் என்பதை கண்டுபிடித்து இருவரையும் கைது செய்தனர். மனைவியுடன் கள்ளக்காதலில் இருந்ததால் உயிர் நண்பரை வழக்கறிஞர் செந்தில் அடித்தே கொலை செய்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது