கருணாஸ் முன்ஜாமீன் மனு: மதுரை உயர்நீதிமன்ற கிளை அதிரடி உத்தரவு
- IndiaGlitz, [Tuesday,October 09 2018]
காமெடி நடிகரும் திருவாடனை தொகுதி எம்.எல்.ஏவுமான கருணாஸ் ஏற்கனவே முதல்வர் எடப்பாடி பழனிச்சாமி மற்றும் காவல்துறை உயரதிகாரி ஆகியோர்கள் குறித்து சர்ச்சைக்குரிய வகையில் பேசிய வழக்கில் கைது செய்யப்பட்டு அதன்பின் ஜாமீன் பெற்று வெளியே வந்துள்ளார்.
இந்த நிலையில் கடந்த 2017ஆம் ஆண்டு தேவர் பேரவை தலைவர் முத்தையாவின் காரை சேதப்படுத்திய வழக்கில் கருணாஸை கைது செய்ய நெல்லை போலீசார் முயன்றதாக சமீபத்தில் பரபரப்பு ஏற்பட்டது. இந்த வழக்கில் தனக்கு முன்ஜாமீன் வேண்டும் என கருணாஸ் தரப்பில் மதுரை உயர்நீதிமன்ற கிளையில் மனுதாக்கல் செய்யப்பட்டது.
இந்த மனு இன்று விசாரணைக்கு வந்த நிலையில் எம்எல்ஏ கருணாஸுக்கு முன்ஜாமீன் வழங்கி மதுரை உயர்நீதிமன்ற கிளை உத்தரவிட்டுள்ளது. இதனையடுத்து கருணாஸ் மீண்டும் கைது செய்யப்பட வாய்ப்பு இல்லை என்பது குறிப்பிடத்தக்கது.