கேப்டன் விஜயகாந்த் மகன் சண்முகப்பாண்டியன் நடித்து வரும் 'மதுர வீரன்' படப்பிடிப்பு சமீபத்தில் முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்பாக நடைபெற்று வரும் நிலையில் இன்று காலை 11 மணிக்கு இந்த படம் குறித்த முக்கிய அறிவிப்பு வெளியாகவுள்ளதாக ஏற்கனவே அறிவிக்கப்பட்டிருந்தது

இந்த நிலையில் சற்றுமுன்னர் 'மதுரவீரன்' படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது. இந்த படம் வரும் பொங்கல் விருந்தாக ஜனவரி 12ஆம் தேதி ரிலீஸ் ஆகவுள்ளதாக அறிவிக்கப்பட்டுள்ளது.

ஏற்கனவே பொங்கல் தினத்தில் சூர்யாவின் 'தானா சேர்ந்த கூட்டம்' மற்றும் சீயான் விக்ரமின் 'ஸ்கெட்ச்' திரைப்படங்கள் வெளியாகும் என்று எதிர்பார்க்கப்படும் நிலையில் பொங்கல் ரிலீஸ் பட்டியலில் தற்போது சண்முகப்பாண்டியனின் 'மதுர வீரன்' திரைப்படமும் இடம்பெற்றுள்ளது என்பது குறிப்பிடத்தக்கது