ஜெயலலிதாவுக்கு பாரத ரத்னா. சென்னை ஐகோர்ட் முக்கிய முடிவு
- IndiaGlitz, [Friday,January 06 2017]
மறைந்த தமிழக முதல்வர் ஜெயலலிதாவுக்கு பாரத ரத்னா விருது வழங்க வேண்டும் என்று சமீபத்தில் நடந்த அதிமுக பொதுக்குழுவில் தீர்மானம் இயற்றப்பட்டது. மேலும் இதுகுறித்து பாரத பிரதமரை சமீபத்தில் முதல்வர் ஓபிஎஸ் சந்தித்தபோது கோரிக்கை வைத்ததாகவும் கூறப்பட்டன.
இந்நிலையில் ஜெயலலிதாவுக்கு பாரத ரத்னா விருது வழங்க வேண்டும் என்று சென்னை ஐகோர்ட்டில் மதுரையை சேர்ந்த ரமேஷ் என்பவர் வழக்கு ஒன்றை தாக்கல் செய்தார்.
இந்த வழக்கு இன்று விசாரணைக்கு வந்தது. இந்த மனுவை விசாரித்த சென்னை ஐகோர்ட், ஜெயலலிதாவுக்கு பாரதரத்னா விருது வழங்க சென்னை ஐகோர்ட் உத்தரவிட முடியாது என கூறி மனுவை தள்ளுபடி செய்தது.