இந்தியாவின் முதல் லேடி சூப்பர் ஸ்டார் ஸ்ரீதேவி கடந்த மாதம் எதிர்பாராத வகையில் திடீரென மரணம் அடைந்தது இந்திய திரையுலகையே அதிர்ச்சி அடைய செய்தது. அவரது உடல் அரசு முழு மரியாதையுடன் தகனம் செய்யப்பட்டு அவரது சாம்பலும் ராமேஸ்வரத்தில் கரைக்கப்பட்டது.

இந்த நிலையில் ஸ்ரீதேவி உயிருடன் இருந்தபோது நடித்த ஒரு படம் முழுமை பெறாமல் பாதியில் உள்ளது. இந்த படத்தை முடிக்க வேண்டிய கட்டாயத்தில் உள்ள படக்குழுவினர் ஸ்ரீதேவி நடித்த கேரக்டரில் நடிக்க நடிகை மாதுரி தீட்சித்தை அணுகியிருப்பதாகவும், அவரும் நடிக்க ஒப்புக்கொண்டுள்ளதாகவும் தகவல்கள் வெளிவந்துள்ளது. இந்த தகவலை கேள்விப்பட்ட ஸ்ரீதேவியின் மகள் ஜான்விகபூர், மாதுரி தீட்சித்திற்கு நன்றி தெரிவித்துள்ளார்.

இதுகுறித்து ஜான்வி தனது இன்ஸ்டாகிராம் பக்கத்தில் கூறியிருப்பதாவது: அபிஷேக் வர்மா தற்போது இயக்கிவரும் படம் என் அம்மாவின் இதயத்துக்கு நெருக்கமானது. இந்த அழகான படத்தில் மாதுரிஜி பங்கேற்றுள்ளமைக்காக அப்பா, குஷி, நான் ஆகிய மூவருமே நன்றியுள்ளவர்களாக இருப்போம்' என்று தெரிவித்துள்ளார்.