தமிழ், தெலுங்கு திரையுலகின் முன்னணி நடிகையான ரகுல் ப்ரித்திசிங் சமீபத்தில் வாய்ப்புக்காக படுக்கைக்கு அழைக்கும் விவகாரம் குறித்து கூறியபோது, 'மற்ற இடங்களில் எப்படியோ, தெலுங்கு திரையுலகில் வாய்ப்புக்காக படுக்கைக்கு அழைக்கும் வழக்கம் இல்லை என்றும், திரையுலகில் இத்தனை வருடங்கள் உள்ள தன்னிடம் இதுவரை யாரும் அவ்வாறு அணுகியது இல்லை என்றும் கூறினார்.

மேலும் தகுதி, திறமை இருந்தால் திரையுலகில் முன்னேறலாம் என்றும் திறமை ஒன்று மட்டுமே திரையுலகில் வெற்றியை தேடி கொடுக்கும் என்றும் அவர் கூறினார்.

இந்த நிலையில் ரகுல்ப்ரித்திசிங் பொய் கூறுவதாகவும், இருக்கும் ஒரு விஷயத்தை இல்லாதவாறு அவர் மறைத்து கூறுவதாகவும், தெலுங்கு திரையுலகில் இன்னும் வாய்ப்புக்காக படுக்கைக்கு அழைக்கும் வழக்கம் இருப்பதாகவும் தெலுங்கு திரையுலகின் பிரபல நடிகை மாதவி லதா கூறியுள்ளார்.

இவர் 'நசாவுலே' என்ற படத்தின் மூலம் பிரபலமாகி ஒருசில தெலுங்கு படங்களிலும் விஷால் நடித்த 'ஆம்பள' என்ற தமிழ் படத்திலும் நடித்துள்ளார் என்பதும் குறிப்பிடத்தக்கது.