தமிழ் சினிமாவின் முன்னணி நடிகர்களில் ஒருவராக இருந்த நடிகர் மாதவன் ஒரு சிறு இடைவெளிக்கு பின்னர் மீண்டும் 'இறுதிச்சுற்று' படத்தின் மூலம் தமிழுக்கு ரீஎண்ட்ரி ஆனார். பின்னர் அவர் விஜய்சேதுபதியுடன் நடித்த 'விக்ரம் வேதா' திரைப்படம் சூப்பர் ஹிட் ஆக தற்போது மீண்டும் கோலிவுட்டில் பிசியான நடிகராகிவிட்டார் மாதவன்

இந்த நிலையில் இயக்குனர் சற்குணம் இயக்கும் படம் ஒன்றில் நடிக்க மாதவன் ஒப்பந்தமானார். காமன்மேன் கணேஷ் தயாரிக்கும் இந்த படத்திற்கு ஜிப்ரான் இசையமைக்கவுள்ளார். இந்த படம் குறித்து இயக்குனர் சற்குணம் கூறியதாவது:

இந்த படம் காடுகளில் நடக்கும் கதையை மையப்படுத்தியது, தாய்லாந்து, மங்கோலியா, தஜிகிஸ்தான் மற்றும் உலகின் பல்வேறு பகுதிகளிலும் படப்பிடிப்பு நடக்க இருக்கிறது. ஜிப்ரான் இசையமைக்கும் இந்த படத்தில் ஹாரி பாட்டர் அண்ட் டெத்லி ஹாலோஸ் பார்ட் 2 மற்றும் ட்ராகுலா அண்டோல்டு படங்களில் பணியாற்றிய ஹாலிவுட் சண்டைக்கலைஞர் க்ரே பரிட்ஜ் பணியாற்றுகிறார். 'இது வேதாளம் சொல்லும் கதை' படத்தின் இயக்குனர் ரதிந்திரன் தான் அவரை எனக்கு அறிமுகப்படுத்தினார். மற்ற கதாபாத்திரங்களின் தேர்வு நடந்து வருகிறது. ஆக்‌ஷன் அட்வென்சர் படமாக உருவாகும் இந்த படத்தை குழந்தைகளுக்கான படமாகவும் உருவாக்குகிறோம். இது ஒரு குடும்பத்தோடு பார்க்ககூடிய பொழுதுபோக்கு படமாகும். ஜூன் மாதம் படப்பிடிப்பு தொடங்க இருக்கிறது"

இவ்வாறு இயக்குனர் சற்குணம் கூறியுள்ளார்.