நடிகர் மாதவன் நடித்து தயாரித்து இயக்கிய ‘ராக்கெட்டரி’ திரைப்படம் வரும் ஜூலை 1ஆம் தேதி திரையரங்குகளில் வெளியாக உள்ளது என்ற அறிவிப்பை ஏற்கனவே பார்த்தோம்.

இந்த நிலையில் இந்த படத்தின் சென்சார் மற்றும் ரன்னிங் டைம் குறித்த தகவல்கள் தற்போது வெளியாகியுள்ளது. இந்த படத்திற்கு சென்சார் அதிகாரிகள் ’யுஏ’ சான்றிதழ் அளித்துள்ளனர். மேலும் இந்த படம் 2 மணிநேரம் 37 நிமிடங்கள் அதாவது 157 நிமிடங்கள் ரன்னிங் டைம் என்றும் அறிவிக்கப்பட்டுள்ளது.

தமிழ், தெலுங்கு, ஹிந்தி, கன்னடம், மலையாளம், ஆங்கிலம் ஆகிய ஆறு மொழிகளில் ஜூலை 1ஆம் தேதி உலகம் முழுவதும் திரையரங்குகளில் பிரமாண்டமாக இந்த படம் வெளியாக உள்ளது என்பது குறிப்பிடத்தக்கது.

மாதவன், சிம்ரன், ரவி ராகவேந்திரா உள்பட பலர் நடித்துள்ள இந்த படத்திற்கு சாம் சிஎஸ் இசையமைத்துள்ளார். இந்த படத்தை தமிழகத்தில் ரெட் ஜெயன்ட் மூவிஸ் ரிலீஸ் செய்கிறது என்பது குறிப்பிடத்தக்கது.