நடைபெற இருக்கும் கல்யாணத்திற்கு அனைவரும் தவறாமல் வாருங்கள் என நடிகர் மாதவன் வீடியோ ஒன்றில் தெரிவித்துள்ளார்.

தமிழகத்தில் ஏப்ரல் 6-ஆம் தேதி தேர்தல் நடைபெற இருக்கும் நிலையில் இந்த தேர்தலில் அனைவரும் வாக்களிக்க வேண்டும் என்றும் 100 சதவீத வாக்குப்பதிவு நடைபெற வேண்டும் என்றும் தேர்தல் ஆணையம் வலியுறுத்தி வருகிறது. தேர்தலில் வாக்களிப்பதன் அவசியம் குறித்து விழிப்புணர்வு வீடியோக்களை வெளியிட்டு வரும் நிலையில் திரையுலக நட்சத்திரங்கள் பலரின் உதவியுடன் தேர்தல் விழிப்புணர்வு வீடியோக்களை தேர்தல் ஆணையம் வெளியிட்டு வருகிறது.

அந்த வகையில் நடிகர் மாதவன் வெளியிட்டுள்ள வீடியோவில் கூறியிருப்பதாவது: ஏப்ரல் 6-ஆம் தேதி தமிழகத்தில் தேர்தல் நடைபெற உள்ளது. எல்லோரும் தவறாமல் வந்துவிடுங்கள், வந்து நல்லபடியாக வாக்களித்து விட்டு போங்கள். என்ன ஒரு கல்யாணத்திற்கு அழைப்பது போல் அழைக்கிறேன் என்று பார்க்கிறீர்களா? இது நம் நாட்டின் கல்யாணம். அதில் அனைவரையும் விட முக்கியமான விருந்தினர் நீங்கள்தான். அதனால் மறக்காமல் வந்து ஏப்ரல் 6-ஆம் தேதி வாக்களியுங்கள்’ என்று கூறியுள்ளார். இந்த வீடியோ தற்போது வைரல் ஆகி வருகிறது.

Do go and VOTE .. ALSO. Pls follow all Covid protocols . ?????????????? https://t.co/pCMon6Z97o

— Ranganathan Madhavan (@ActorMadhavan) March 26, 2021