நடிப்பு மட்டுமல்ல.. கதையும் அவர் தான்.. மித்ரன் ஜவஹர் படத்தின் புதிய தகவல்..!
- IndiaGlitz, [Saturday,December 02 2023]
தனுஷ் நடித்த ’திருச்சிற்றம்பலம்’ படத்தின் வெற்றியை அடுத்து இயக்குனர் மித்ரன் ஜவஹர் மாதவன் நடித்து வரும் படத்தை இயக்கி வருவதாகவும், இந்த படத்தின் படப்பிடிப்பு லண்டன் மற்றும் சுற்றுப்புறங்களில் நடந்து வருவதாகவும் வெளியான செய்தியை ஏற்கனவே பார்த்தோம்.
இந்த நிலையில் இந்த படத்தின் கூடுதல் தகவல்கள் வெளியாகி உள்ளன. மித்ரன் ஜவஹர் இயக்கத்தில் மாதவன் நடிக்கும் திரைப்படத்தின் டைட்டில் ’அதிர்ஷ்டசாலி’ என்று முடிவு செய்யப்பட்டு இருப்பதாகவும் டைட்டில் குறித்த அறிவிப்பு விரைவில் வெளியாகும் என்றும் கூறப்படுகிறது.
’திருச்சிற்றம்பலம்’ படம் போலவே இந்த படமும் ஒரு ஜாலியான மற்றும் செண்டிமெண்ட் கதை அம்சம் கொண்டது என்றும் இதில் முக்கிய விஷயம் என்னவெனில் இந்த படத்தின் கதையை எழுதியதே மாதவன் என்றும் கூறப்படுகிறது.
தமிழில் ’மிரட்டல்’ உள்ளிட்ட சில படங்களில் நடித்த நடிகை ஷர்மிளா மன்ரே தான் இந்த படத்தின் நாயகி என்றும் தெரிகிறது. தற்போது ஸ்காட்லாந்தில் இந்த படத்தின் படப்பிடிப்பு நடைபெற்று வருவதாகவும் மாதவன், ராதிகா உட்பட படக்குழுவினர் இந்த படப்பிடிப்பில் கலந்து கொண்டு இருப்பதாகவும் தெரிகிறது.