சி.வி.குமாரின் 'மாயவன்' ரிலீஸ் தேதி
- IndiaGlitz, [Friday,December 01 2017]
பிரபல தயாரிப்பாளர் சி.வி.குமார் முதல்முறையாக இயக்குனராகி இயக்கியுள்ள படம் 'மாயவன்'. இந்த படம் கடந்த சில மாதங்களுக்கு முன்னரே சென்சார் சான்றிதழ் பெற்று ரிலீசுக்கு தயாராகியிருந்த போதிலும் தொடர்ச்சியாக ரிலீஸ் தேதி தள்ளிப்போய்க்கொண்டே இருந்தது.
இந்த நிலையில் தலைமறைவாக இருக்கும் அன்புச்செழியனின் கோபுரம் பிலிம்ஸ் நிறுவனம், மாயவன் படத்திற்கு விதித்திருந்த ரெட் கார்டை சமீபத்தில் விலக்கி கொண்டது. இதனால் சிவி குமாரும் காவல்நிலையத்தில் இருந்து தனது புகாரை வாபஸ் பெற்றார். எனவே இந்த படத்தின் பிரச்சனைகள் அனைத்தும் முடிவடைந்ததை அடுத்து இந்த படம் டிசம்பரில் வெளியாகும் என்று எதிர்பார்க்கப்பட்டது.
இந்த நிலையில் 'மாயவன்' திரைப்படம் வரும் 14ஆம் தேதி ரிலீஸ் ஆகவுள்ளதாக செய்திகள் வெளிவந்துள்ளது. இதுகுறித்த முறையான அறிவிப்பு இன்னும் சிலமணி நேரங்களில் வெளிவரும் என்று கூறப்படுகிறது.
சந்தீப்கிஷான், லாவண்யா திரிபாதி, ஜாக்கி ஷெராப், டேனியல் பாலாஜி, ஜெயப்பிரகாஷ், பகவதி பெருமாள், அக்சரா கெளடா உள்பட பலர் நடித்துள்ள இந்த படத்திற்கு ஜிப்ரான் இசையமைத்துள்ளார். கோபி அமர்நாத் ஒளிப்பதிவில் லியோ ஜான்பால் படத்தொகுப்பில் இந்த படம் உருவாகியுள்ளது.