சிவகார்த்திகேயன் நடித்த ’மாவீரன்’ திரைப்படம் சமீபத்தில் வெளியாகி நல்ல வரவேற்பை பெற்று வருகிறது என்பதும் குறிப்பாக இந்த படம் 50 கோடி ரூபாய் வசூலை தாண்டி 100 கோடி ரூபாயை நெருங்கிக் கொண்டிருப்பதாகவும் கூறப்பட்டு வருகிறது.

இந்த நிலையில் இங்கிலாந்து நாட்டில் மட்டும் இந்த படத்தின் சில காட்சிகளை படக்குழுவினர் நேற்று முதல் கட் செய்து வெளியிட்டுள்ளதாக கூறப்படுகிறது.
அந்நாட்டில் உள்ள 12 வயது குழந்தைகளும் இந்த படத்தை பார்க்க வேண்டும் என்பதற்காக சில காட்சிகள் கட் செய்யப்பட்டதாகவும் இதனை அடுத்து குழந்தைகள் தற்போது பார்க்க அனுமதிக்கும் வகையில் 12ஏ சான்றிதழ் பெறப்பட்டுள்ளதாகவும் கூறப்படுகிறது.

இதையடுத்து நேற்று விடுமுறை நாளில் குழந்தைகளுடன் வரும் பார்வையாளர் எண்ணிக்கை அதிகமாக இருந்ததாகவும் கூறப்படுகிறது

சிவகார்த்திகேயன் ஜோடியாக அதிதி ஷங்கர் நடித்துள்ள 'மாவீரன்’ படத்தில் மிஷ்கின், யோகி பாபு, சுனில், சரிதா, மோனிஷா உள்பட பலர் இந்த படத்தில் நடித்துள்ளனர். தமிழ் தெலுங்கு மொழிகளில் வெளியாகியுள்ள இந்த படத்திற்கு பரத் ஷங்கர் இசையமைத்துள்ளார். விது அய்யனார் ஒளிப்பதிவில் ஃபிலோமின்ராஜ் படத்தொகுப்பில் இந்த படம் உருவாகியுள்ளது.