'மாவீரன்' படத்தின் செகண்ட் சிங்கிள்.. பாடும்போதே சண்டை போடும் பாடகர்கள்.. வைரல் வீடியோ..!
- IndiaGlitz, [Monday,June 12 2023]
சிவகார்த்திகேயன் நடித்த ’மாவீரன்’ படத்தின் செகண்ட் சிங்கிள் பாடல் வரும் 14ஆம் தேதி வெளியாகும் என்று அறிவித்துள்ள படக்குழுவினர் இது குறித்த வீடியோ ஒன்றை வெளியிட்டுள்ள நிலையில் இந்த பாடலை பாடிய பாடகர் மற்றும் பாடகி சண்டை போட்டுக் கொள்ளும் காட்சி அந்த வீடியோவில் இருப்பதை எடுத்து இந்த வீடியோ வைரல் ஆகி வருகிறது
சிவகார்த்திகேயன் நடித்து வரும் ’மாவீரன்’ திரைப்படம் ஜூலை 14ஆம் தேதி வெளியாக இருக்கும் நிலையில் இந்த படத்தின் போஸ்ட் புரொக்சன்ஸ் பணிகள் விறுவிறுப்பாக நடைபெற்று வருகின்றன. இந்த நிலையில் சிவகார்த்திகேயன் தனது சமூக வலைதளத்தில் வெளியிட்டுள்ள வீடியோவில் இந்த படத்தில் ஒரு பாடலை சிவகார்த்திகேயன் மற்றும் அதிதி ஷங்கர் பாட வேண்டும் என்று இசையமைப்பாளர் மற்றும் இயக்குனர் முடிவு செய்கின்றனர்.
இதனை அடுத்து அதிதி ஷங்கரிடம் சித்ஸ்ரீராமுடன் நீங்கள் பாடப் போகிறீர்கள் என்று ஏமாற்றி ஸ்டுடியோவுக்கு அழைக்கின்றனர் அதேபோல் ஸ்ரேயா கோஷலுடன் நீங்கள் பாடப் போகிறீர்கள் என்று சிவகார்த்திகேயனை ஏமாற்றி அழைக்கின்றனர். இருவரும் ஸ்டுடியோவில் சந்தித்துக் கொள்ளும் போது இருவருக்கும் இடையே சண்டை வருகிறது. அதன் பிறகு இந்த பாடலின் ரெக்கார்டிங் ஆரம்பிப்பது போன்று அந்த வீடியோ முடிவடைகிறது.
இதனை அடுத்து இந்த பாடலை சிவகார்த்திகேயன் மற்றும் அதிதி ஷங்கர் பாடி உள்ளனர் என்பது உறுதியாகி உள்ளது. ஒரு திரைப்படத்தில் நடிக்கும் ஹீரோ ஹீரோயின் ஆகிய இருவரும் பாடகர்களாகவும் மாறி இருப்பது தமிழ் சினிமாவில் எப்போதாவது நிகழும் நிகழ்வு என்பதும், அது ’மாவீரன்’ படத்தில் மீண்டும் நிகழ்ந்துள்ளது என்பதும் குறிப்பிடத்தக்கது.
சிவகார்த்திகேயன் ஜோடியாக அதிதி ஷங்கர் நடித்துள்ள 'மாவீரன்’ படத்தில் மிஷ்கின், யோகி பாபு, சுனில் உள்பட பலர் நடித்து வருகின்றனர். மேலும் நடிகை சரிதா ஒரு முக்கிய குணச்சித்திர கேரக்டரில் நடித்துள்ளார். தமிழ் தெலுங்கு மொழிகளில் உருவாகி வரும் இந்த படத்திற்கு பரத் ஷங்கர் இசையமைத்து வருகிறார். விது அய்யனார் ஒளிப்பதிவில் ஃபிலோமின்ராஜ் படத்தொகுப்பில் இந்த படம் உருவாகி வருகிறது.
#Vannarapettayila from 14.06.2023! #MaaveeranSecondSingle#Maaveeran #VeerameJeyam pic.twitter.com/k2HrsT4kZu
— Sivakarthikeyan (@Siva_Kartikeyan) June 12, 2023