சிவகார்த்திகேயன், அதிதி ஷங்கர் நடிப்பில், மடோன் அஸ்வின் இயக்கத்தில் உருவான ’மாவீரன்’ திரைப்படம் ஜூலை 14ஆம் தேதி உலகம் முழுவதும் திரையரங்குகள் வெளியாகி பாசிட்டிவ் விமர்சனங்களை பெற்றன.

மேலும் இந்த படம் ஒரே வாரத்தில் 50 கோடி ரூபாய் வசூல் செய்ததாக இந்த படத்தின் தயாரிப்பு நிறுவனம் சாந்தி டாக்கீஸ் தனது சமூக வலைதள பக்கத்தில் அதிகாரப்பூர்வமாக அறிவித்திருந்தது.

இந்த நிலையில் இந்த படம் வெளியாகி 11 நாட்கள் முடிந்துள்ள நிலையில் தற்போது ரூபாய் 75 கோடி வசூல் செய்துள்ளதாக அறிவிக்கப்பட்டுள்ளது. மேலும் 75 கோடி வசூல் செய்த புதிய போஸ்டர் ஒன்றும் வெளியிடப்பட்டுள்ள நிலையில் அந்த போஸ்டர் வைரலாகி வருகிறது.

இதே ரீதியில் வசூல் சென்றால் இன்னும் ஒரு சில நாட்களில் இந்த படம் ரூ.100 கோடி கிளப்பில் இணையும் என்று எதிர்பார்க்கப்படுகிறது. ஏற்கனவே சிவகார்த்திகேயன் நடித்த ‘டாக்டர்’ மற்றும் ’டான்’ ஆகிய படங்கள் 100 கோடி வசூல் செய்துள்ளது என்பது குறிப்பிடத்தக்கது.

சிவகார்த்திகேயன், அதிதி ஷங்கர், மிஷ்கின், யோகி பாபு, சுனில், சரிதா, மோனிஷா உள்பட பலர் இந்த படத்தில் நடித்துள்ளனர். தமிழ் தெலுங்கு மொழிகளில் வெளியாகியுள்ள இந்த படத்திற்கு பரத் ஷங்கர் இசையமைத்துள்ளார். விது அய்யனார் ஒளிப்பதிவில் ஃபிலோமின்ராஜ் படத்தொகுப்பில் இந்த படம் உருவாகியுள்ளது.

Our #Maaveeran/#Mahaveerudu has grossed over 75 CRORES worldwide. Thanks to the wonderful fans and audience for making it a BLOCKBUSTER 🥳🙏#BlockbusterMaveeran #BlockbusterMahaveerudu

🌟 @Siva_Kartikeyan
🎙️ @VijaySethuOffl / @RaviTeja_offl
🎬 @madonneashwin #VeerameJeyam… pic.twitter.com/SkPfB2uciN

— Shanthi Talkies (@ShanthiTalkies) July 25, 2023