தனுஷ் நடித்த 'வடசென்னை' திரைப்படம் சமீபத்தில் வெளியாகி திரையரங்குகளில் ஓடிக்கொண்டிருக்கும் நிலையில் அவர் நடித்த அடுத்த படமான 'மாரி 2' படத்தின் ஃபர்ஸ்ட்லுக் சற்றுமுன் வெளியாகியுள்ளது.

தனுஷின் அட்டகாசமான இந்த ஃபர்ஸ்ட்லுக் ரசிகர்களை பெரிதும் கவர்ந்துள்ள நிலையில் இந்த ஃபர்ஸ்ட்லுக் போஸ்டரில் இந்த படம் டிசம்பர் வெளியீடு என அறிவிக்கப்பட்டுள்ளது. இதனால் 'மாரி 2' அடுத்த மாதம் வெளியாகவுள்ளது உறுதி செய்யப்பட்டுள்ளது. இதே டிசம்பரில்தான் சிவகார்த்திகேயனின் 'கனா' திரைப்படம் வெளியாகவுள்ளதாக வந்த அறிவிப்பை நேற்று பார்த்தோம்

'மாரி' முதல் பாகத்தை இயக்கிய பாலாஜி மோகன் இயக்கிய இந்த படத்தில் தனுஷ், சாய்பல்லவி, வரலட்சுமி, டோவினோ தமஸ், ரோபோசங்கர் உள்ளிட்ட பலர் நடித்துள்ளனர். ஆனால் முதல் பாகத்தில் இசையமைத்த அனிருத்துக்கு பதிலாக இந்த படத்திற்கு யுவன்ஷங்கர் ராஜா இசையமைத்துள்ளார். ஓம் பிரகாஷ் ஒளிப்பதிவில், பிரசன்னா படத்தொகுப்பில் உருவாகியுள்ள இந்த படத்தை தனுஷின் வொண்டர்பார் பிலிம்ஸ் நிறுவனம் தயாரித்துள்ளது.