கோலிவுட் திரையுலகில் 'கேப்டன் பிரபாகரன்' முதல் 'தீரன் அதிகாரம் ஒன்று' வரை பல உண்மை சம்பவங்கள் திரைப்படங்களாக உருவாக்கப்பட்டு அவை நல்ல வெற்றியும் பெற்று வருவதை பார்த்து வருகிறோம்

அந்த வகையில் சமீபத்தில் உடுமலை சங்கர் கொலை வழக்கின் தீர்ப்பு தமிழகத்தை மட்டுமின்றி இந்தியாவையே அதிர செய்தது. ஆறு பேர்களுக்கு தூக்குத்தண்டனை விதிக்கப்பட்ட இந்த தீர்ப்பின் மூலம் ஆணவ கொலைகளுக்கு முடிவு கட்ட எடுக்கப்படும் ஒரு முயற்சியின் ஆரம்பாக பார்க்கப்பட்டது.

இந்த நிலையில் உடுமலை சங்கர் கொலை வழக்கின் கதையும் தற்போது திரைப்படமாகிறது. 'மாறாத சமூகம்' என்ற டைட்டிலில் உருவாகவுள்ள இந்த படத்தின் டைட்டில் போஸ்டர் தற்போது வெளியாகியுள்ளது. இந்த டைட்டில் போஸ்டரில் 'தர்மத்தின் வாழ்வுதனை சூதுகவ்வும், மீண்டும் தர்மமே வெல்லும்' என்ற பொருத்தமான அடைமொழியுடன் வெளிவந்துள்ளது என்பது குறிப்பிடத்தக்கது. அஆஇஈ திரைப்பட்டறை வழங்கும் இந்த படத்தை பங்கஜ் எஸ்.பாலாஜி இயக்கவுள்ளார். இந்த படத்தில் நடிக்கும் நட்சத்திரங்களின் அறிவிப்பு விரைவில் வெளிவரவுள்ளது