சிம்பு நடிப்பில், வெங்கட்பிரபு இயக்கத்தில், சுரேஷ் காமாட்சி தயாரிப்பில், யுவன் சங்கர் ராஜா இசையில் உருவான ’மாநாடு’ திரைப்படம் கடந்த சில மாதங்களுக்கு முன்னர் வெளியாகி மிகப்பெரிய வெற்றி பெற்றது என்பது தெரிந்ததே.

இந்த நிலையில் இந்த படத்தின் தெலுங்கு ரீமேக் உரிமையை நடிகர் ராணா டகுபதியின் தந்தை தன்னுடைய சுரேஷ் புரொடக்ஷன்ஸ் நிறுவனத்தின் மூலம் பெற்று உள்ளார் என்பதும் விரைவில் தெலுங்கு ரீமேக் பணிகள் தொடங்க இருப்பதாகவும் செய்திகள் வெளியானது.

இந்த நிலையில் ’மாநாடு’ படத்தின் தெலுங்கு ரீமேக் படத்தில் சிம்பு கேரக்டரில் நாகசைதன்யா நடிக்க வாய்ப்பு இருப்பதாக கூறப்படுகிறது.அதேபோல் கல்யாணி பிரியதர்ஷன் கேரக்டரில் பூஜா ஹெக்டே நடிக்க இருப்பதாகவும், எஸ் ஜே சூர்யா கேரக்டரில் அவரே நடிக்க இருப்பதாகவும், இந்த படத்தை தமிழில் இயக்கிய வெங்கட்பிரபு தெலுங்கிலும் இயக்க இருப்பதாகவும் கூறப்படுகிறது.

இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்கள் குறித்த அதிகாரப்பூர்வ தகவல் விரைவில் வரும் என்று கூறப்படுகிறது.