కలెక్షన్ కింగ్ మోహన్ బాబు మనుమరాలు, మా అధ్యక్షుడు మంచు విష్ణు కుమార్తె ఐరా ఈరోజు నాల్గవ పుట్టినరోజును జరుపుకుంటోంది. ఈ సందర్భంగా మంచు అభిమానులు, సినీ ప్రముఖులు ఆమెకు జన్మదిన శుభాకాంక్షలు తెలియజేస్తున్నారు. విరానికా, విష్ణు దంపతుల చిన్న కుమార్తె అయిన ఐరా తల్లిదండ్రులకు ఏంజెల్.. వారిద్దరి జీవితాల్లో ఈ చిన్నారి ఆనందం నింపింది. విరానికా ఆమెను ఆప్యాయంగా "little puppita Ayru ’ అని పిలుస్తారు. మంచు విష్ణు అయితే "biggest blackmailer ’’ అని ముద్దు చేస్తారు . అరియానా, వివియానా, అవ్రామ్‌ల తర్వాత పుట్టిన ఐరా మంచు వారి ఇంట్లో సరికొత్త ఆనందాలను తీసుకొచ్చింది. చిన్న మత్స్య కన్యలా ఎక్కడికి వెళ్లినా తనకంటూ గుర్తింపు తీసుకొస్తుంది. ఈ చిన్నారి వేసే ప్రతి అడుగు ఆనందాన్ని చిలకరిస్తూ మంచు వారి ఇంటిని ప్రేమ, నవ్వులతో నింపేస్తుంది. బర్త్ డే సందర్భంగా ఐరా క్యూట్ ఫోటోలు సోషల్ మీడియాలో వైరల్ అవుతున్నాయి.

ఎంత బిజీగా వున్నా ఫ్యామిలీతో గడిపే విష్ణు :

ఇకపోతే.. మంచు విష్ణు ప్రస్తుతం మా అసోసియేషన్ అధ్యక్షుడిగా బాధ్యతలు నిర్వర్తిస్తున్న సంగతి తెలిసిందే. అయితే హీరోగా ఆయన హిట్ కొట్టి చాలా ఏళ్లే అవుతోంది. విష్ణు చివరిసారిగా నటించిన చిత్రం జిన్నా నిరాశపరిచింది. అయితే సినిమాలు, అసోసియేషన్ వ్యవహారాల్లో ఎంత బిజీగా వున్నా ఫ్యామిలీకి అంతే ప్రాధాన్యత ఇస్తారు విష్ణు. వైఎస్ కుటుంబానికి దగ్గరి బంధువుల అమ్మాయి విరోనికా రెడ్డిని వివాహం చేసుకున్నారు మంచు విష్ణు. ఈ దంపతులకు నలుగురు పిల్లలు సంతానం. అరియానా, విరియానా, అవ్రావ్, ఐరా విద్య . వీరిలో అరియానా , విరియానా కవలు కాగా.. ఆ తర్వాత అవ్రావ్, ఐరా జన్మించారు.

ఈసారి మా ఎన్నికలకు దూరంగా విష్ణు :

మరోవైపు.. మంచు విష్ణు కీలక నిర్ణయం తీసుకున్నారు. వచ్చే మా ఎన్నికల్లో పోటీ చేయకూడదని ఆయన నిర్ణయించుకున్నారు. ఎన్నికల్లో ఇచ్చిన హామీలను తన కాలపరిమితి ముగిసేలోగా పూర్తి చేస్తానని విష్ణు తెలిపారు. అలాగే అత్యంత కీలకమైన మా బిల్డింగ్ విషయంలోనూ మంచు విష్ణు కీలక నిర్ణయం తీసుకునే అవకాశాలు కనిపిస్తున్నాయి.