கோலிவுட் திரையுலகில் நடிகராகவும், இசையமைப்பாளராகவும் பாலன்ஸ் செய்து வரும் ஜி.வி,.பிரகாஷ், விஜய் போன்ற பெரிய நடிகர்களின் படத்திற்கு இசையமைத்து கொண்டே, லைகா போன்ற பெரிய நிறுவனங்கள் தயாரிக்கும் படத்திலும் நடித்து வருகிறார்.

இந்நிலையில் எம்.ராஜேஷ் இயக்கத்தில் ஜி.வி.பிரகாஷ் நடிக்கவுள்ள KIK என்னும் 'கடவுள் இருக்குறான் குமாரு' படத்தின் படப்பிடிப்பு அடுத்த வாரம் முதல் அதாவது மார்ச் இரண்டாம் வாரம் முதல் தொடங்கவுள்ளதாக தகவல்கள் வெளிவந்துள்ளது.

ஜி.வி.பிரகாஷ் நடித்து இசையமைக்கும் இந்த படத்தின் முதல்கட்ட படப்பிடிப்பு 20 நாட்கள் நடைபெறவுள்ளது. இந்த படத்தில் ஜி.வி.பிக்கு ஜோடியாக நிக்கி கல்ராணி மற்றும் அவிகா கோர் ஆகியோர் நடிக்கவுள்ளனர். அம்மா கிரியேஷன்ஸ் டி.சிவா இந்த படத்தை தயாரிக்கின்றார்.

மேலும் புருஸ்லீ, எனக்கு இன்னொரு பேர் இருக்கு ஆகிய படங்களிலும் ஜி.வி.பிரகாஷ் நடித்து வருகிறார் என்பது குறிப்பிடத்தக்கது. அதுமட்டுமின்றி பாண்டியராஜ் இயக்கும் கேடிபில்லா கில்லாடி ரங்கா' படத்தின் இரண்டாம் பாகத்திலும் அவர் நடிக்க ஒப்பந்தமாகியுள்ளதாக கூறப்படுகிறது.