2.0 படத்தில் இருந்து திடீரென விலக்கப்பட்ட பிரபல நிறுவனம்
- IndiaGlitz, [Saturday,December 09 2017]
சூப்பர் ஸ்டார் ரஜினிகாந்த் நடிப்பில் பிரமாண்ட இயக்குனர் ஷங்கரின் இயக்கத்தில் லைகா நிறுவனம் தயாரித்து வரும் '2.0' திரைப்படம் வரும் ஜனவரி 25ஆம் தேதி வெளியாகும் என்று முதலில் அறிவிக்கப்பட்டது. பின்னர் இந்த படத்தின் கிராபிக்ஸ் பணிகள் முடிவடையாததால் இந்த படம் ஏப்ரலுக்கு தள்ளிவைக்கப்பட்டுள்ளது.
இந்த நிலையில் இந்த தாமதத்திற்கு காரணமாக VFX நிறுவனம் திடீரென படத்தில் இருந்து விலக்கப்பட்டு அதற்கு பதிலாக இன்னொரு பிரபல நிறுவனத்திடம் கிராபிக்ஸ் பணிகள் ஒப்படைக்கப்பட்டுள்ளதாக செய்திகள் வெளிவந்துள்ளது.
மேலும் குறிப்பிட்ட நேரத்தில் கிராபிக்ஸ் பணியை முடித்து தராத ஹாலிவுட் VFX நிறுவனம் மீது லைகா நிறுவனம் வழக்கு போட்டிருப்பதாகவும் கூறப்படுகிறது. புதிய நிறுவனமாவது சொன்ன தேதிக்குள் பணியை முடித்து கொடுத்து ஏப்ரல் ரிலீசுக்கு ஒத்துழைக்குமா? என்பதை பொறுத்திருந்து பார்ப்போம்