ரொம்ப நாளா அஜித் ரசிகர்கள் எதிர்பார்த்த அப்டேட்.. சூப்பர் தகவலை சொன்ன லைகா..!
- IndiaGlitz, [Monday,July 22 2024]
அஜித் நடிப்பில், மகிழ் திருமேனி இயக்கத்தில், லைகா நிறுவனத்தின் தயாரிப்பில், அனிருத் இசையில் உருவாகி வரும் ’விடாமுயற்சி’ படத்தின் படப்பிடிப்பு கடந்த ஒரு ஆண்டுக்கு மேலாக நடைபெற்று வருகிறது.
இந்த படத்தின் படப்பிடிப்பு கடந்த சில நாட்களாக அஜர்பைஜான் நாட்டில் நடந்த நிலையில் இந்த படத்தின் படப்பிடிப்பு எப்போது தான் முடியும் என்று அஜித் ரசிகர்கள் ஆவலுடன் காத்திருந்தனர். இந்த நிலையில் லைகா நிறுவனம் தனது சமூக வலைதள பக்கத்தில் அஜர்பைஜான் நாட்டில் நடந்து வந்த ’விடாமுயற்சி’ படப்பிடிப்பு முடிவடைந்து விட்டதாக கூறியதோடு இதுகுறித்த வீடியோக்களையும் வெளியிட்டுள்ளது. அந்த வீடியோ தற்போது இணையத்தில் வைரல் ஆகி வருகிறது.
இந்த நிலையில் ’விடாமுயற்சி’ படக்குழுவினர் சென்னை திரும்ப உள்ளதாகவும், ராமோஜிராவ் பிலிம் சிட்டியில் ஒரு சில நாட்கள் மட்டும் இந்த படத்தின் மீதி படப்பிடிப்பு நடைபெற இருப்பதாகவும் அதன் பிறகு போஸ்ட் புரொடக்ஷன் பணிகள் தொடங்கும் என்றும் கூறப்படுகிறது. எனவே திட்டமிட்டபடி இந்த படம் தீபாவளி அன்று வெளியாகும் என்று எதிர்பார்க்கப்படுவதால் அஜித் ரசிகர்கள் மகிழ்ச்சி அடைந்துள்ளனர்.
அஜித், அர்ஜூன், த்ரிஷா, ரெஜினா, ஆரவ் உள்பட பலர் நடித்திருக்கும் ’விடாமுயற்சி’ படத்தை லைகா நிறுவனம் தயாரித்து வருகிறது. மகிழ் திருமேனி இயக்கத்தில் நீரவ் ஷா மற்றும் ஓம் பிரகாஷ் ஒளிப்பதிவில் ஸ்ரீகாந்த் படத்தொகுப்பில், அனிருத் இசையில் இந்த படம் உருவாகி வருகிறது.
SUCCESSFUL COMPLETION OF "VIDAAMUYARCHI" schedule in the endless terrains of AZERBAIJAN, BAKU! 🤗#VidaaMuyarchi #EffortsNeverFail#AjithKumar #MagizhThirumeni @LycaProductions #Subaskaran @gkmtamilkumaran @trishtrashers @akarjunofficial @anirudhofficial @Aravoffl… pic.twitter.com/nrg1peZiZN
— Lyca Productions (@LycaProductions) July 21, 2024