நடிகர் அஜித் 100 கோடி சம்பளம் கேட்டதாகவும் ஆனால் தயாரிப்பாளர் 105 கோடி தருவதற்கு ஒப்புக் கொண்டதாகவும் வெளிவரும் தகவல் கோலிவுட் திரையுலகில் பெரும் ஆச்சரியத்தை ஏற்படுத்தியுள்ளது.

அஜித் நடித்த ’வலிமை திரைப்படம் 200 கோடி ரூபாய் வசூலை தாண்டிய 300 கோடியை நோக்கிச் சென்று கொண்டிருப்பதாக தகவல்கள் வெளியாகி கொண்டிருக்கின்றன. இதனை அடுத்து அஜித்தின் சம்பளம் உயரும் என்று கூறப்பட்டது.

இந்த நிலையில் அஜீத் நடிப்பில் விக்னேஷ் சிவன் இயக்கத்தில் அனிருத் இசையில் உருவாகயிருக்கும் திரைப்படத்தை லைகா நிறுவனம் தயாரிக்க ஒப்புக்கொண்டுள்ளது. இதுகுறித்த அதிகாரப்பூர்வ அறிவிப்பும் சமீபத்தில் வெளியானது என்பதை பார்த்தோம்.

இந்த நிலையில் இந்த படத்தில் நடிக்க லைக்கா நிறுவனத்திடம் அஜித் 100 கோடி ரூபாய் சம்பளம் கேட்டதாகவும் ஆனால் லைகா நிறுவனம் 105 கோடி தருவதாக ஒப்புக் கொண்டதாகவும் கூறப்படுகிறது. சம்பள விவகாரம் குறித்த தகவல் நடிகர் மற்றும் தயாரிப்பாளர் ஆகிய இருவருக்கு மட்டுமே தெரியும் விஷயம் என்பதால் இது எந்த அளவிற்கு உண்மை என்பதை பொறுத்திருந்துதான் பார்க்க வேண்டும்.