சூர்யா - ஆர்ஜே பாலாஜி படத்தில் இணைந்த 'லப்பர் பந்து' நடிகை.. வேற லெவல் தகவல்..!
- IndiaGlitz, [Saturday,November 30 2024]
சூர்யா நடிக்க இருக்கும் அடுத்த திரைப்படத்தை ஆர்ஜே பாலாஜி இயக்க இருக்கும் நிலையில் இந்த படத்தில் ‘லப்பர் பந்து’ படத்தில் முக்கிய கேரக்டரில் நடித்த நடிகை இணைந்துள்ளதாக தகவல் வெளியாகி உள்ளன.
நடிகர் சூர்யா நடித்த ’கங்குவா’ திரைப்படம் சமீபத்தில் வெளியான நிலையில் தற்போது அவர் கார்த்திக் சுப்புராஜ் இயக்கத்தில் உருவான ’சூர்யா 45’ படத்தில் நடித்து முடித்துள்ளார். இந்த படத்தின் டப்பிங் உள்பட தொழில்நுட்ப பணிகள் விறுவிறுப்பாக நடைபெற்று வருகிறது.
இந்த நிலையில் சூர்யாவின் அடுத்த படத்தை ஆர்ஜே பாலாஜி இயக்குவதாக சமீபத்தில் அதிகாரப்பூர்வமாக அறிவித்த நிலையில் படப்பிடிப்பும் தொடங்கி விட்டதாக கூறப்படுகிறது. ஆன்மீக பின்னணியை கொண்ட கதையம்சம் கொண்ட இந்த படத்தில் சூர்யா ஜோடியாக த்ரிஷா நடிக்க இருப்பதாக கூறப்பட்ட நிலையில் தற்போது ‘லப்பர் பந்து’ திரைப்படத்தில் ஹரிஷ் கல்யாண் காதலியின் அம்மாவாக நடித்த ஸ்வாஸ்திகா இணைந்துள்ளதாக தகவல் வெளியாகியுள்ளது. இந்த படத்தில் ஸ்வாஸ்திகாவுக்கு வெயிட்டான கேரக்டர் என்று கூறப்படுவதை அடுத்து அவருக்கு வாழ்த்துக்கள் குவிந்து வருகிறது
ட்ரீம் வாரியர்ஸ் பிக்சர்ஸ் நிறுவனம் தயாரிக்கும் இந்த படத்திற்கு இசைப்புயல் ஏஆர் ரஹ்மான் இசையமைக்கவுள்ளார்.