காட்டுக்குள் தனிமையில் இருந்த காதல் ஜோடி: காட்டு காட்டு என காட்டிய காவல்துறையின் ட்ரோன்
- IndiaGlitz, [Friday,April 24 2020]
ஊரடங்கு உத்தரவையும் மீறி சமூக விலகலை கடைபிடிக்காமல் இருப்பவர்களை காவல்துறையினர் ட்ரோன் மூலம் கண்டுபிடித்து வருகின்றனர் என்பது குறித்த செய்திகளை அவ்வப்போது பார்த்து வருகிறோம். சமீபத்தில் கூட சீட்டு விளையாடியவர்கள், கிரிக்கெட் விளையாடியவர்கள், கால்பந்து விளையாடியவர்கள், ஆகியவர்களை ட்ரோன் கண்டுபிடித்து விரட்டி விரட்டி வீடியோ எடுத்தது தெரிந்ததே.
இந்த நிலையில் தற்போது காட்டுக்குள் தனியாக ஜாலியாக பேசிக்கொண்டு இருந்த காதல் ஜோடியை காவல்துறையின் ட்ரோன் கேமரா விரட்டி விரட்டி படமாக்கிய காட்சி இணையத்தில் வைரலாகி வருகிறது. ஊரடங்கு உத்தரவு பிறப்பிக்கப்பட்டு உள்ள நிலையில் ஒரு காதல் ஜோடி மரத்தினடியில் உட்கார்ந்து மும்முரமாக பேசிக் கொண்டிருந்தனர். இந்த நிலையில் காவல்துறையின் ட்ரோனை பார்த்ததும் அதிர்ச்சி அடைந்த அந்த காதலர்கள் அங்கிருந்து ஓட தொடங்கினர். அந்த பெண் துப்பட்டாவால் முகத்தை மூடிக்கொண்டு, அவரது காதலர் ஹெல்மெட்டை மாட்டி கொண்டும் தங்கள் முகத்தை மறைத்து கொண்டு இருசக்கர வாகனத்தில் இருவரும் வேகமாக காட்டை விட்டு வெளியேறினர்.
இருப்பினும் விரட்டி விரட்டி அந்த காதல் ஜோடியை காவல்துறையின் ட்ரோன் துரத்தியது. இதுகுறித்த வீடியோ தற்போது இணையத்தில் வைரலாகி வருகிறது என்பது குறிப்பிடத்தக்கது.