மாநகரம், கைதி ஆகிய இரண்டு வெற்றி படங்களை அடுத்து இயக்குனர் லோகேஷ் கனகராஜ் தளபதி விஜய் நடித்த ’மாஸ்டர்’ திரைப்படத்தை இயக்கியுள்ளார். தமிழ் சினிமாவின் மிகப்பெரிய எதிர்பார்ப்புக்குரிய இந்த படம் விரைவில் வெளியாக உள்ளது. இந்த படம் வெளியானால் லோகேஷ் கனகராஜ் முன்னணி இயக்குனர் பட்டியலில் இணைந்து விடுவார் என்று எதிர்பார்க்கப்படுகிறது

இந்த நிலையில் கமலஹாசன் தயாரிப்பில் ரஜினிகாந்த் நடிப்பில் உருவாகவுள்ள பிரமாண்டமான படத்தை லோகேஷ் இயக்குவார் என்று கூறப்பட்டது. ஆனால் இந்த படம் குறித்து அதன்பின்னர் எந்த செய்தியும் வெளிவரவில்லை. அதேபோல் தெலுங்கு திரைப்படம் ஒன்றையும் இயக்க லோகேஷ் திட்டமிட்டுள்ளதாகவும் முன்னணி தெலுங்கு நடிகர் அந்த படத்தில் ஹீரோவாக நடிக்கவிருப்பதாகவும் செய்திகள் வெளிவந்தது

இந்த நிலையில் தற்போது வெளிவந்துள்ள புதிய தகவலின்படி தயாரிப்பாளர் எஸ்ஆர் பிரபு அவர்களின் தயாரிப்பில் உருவாகும் ஒரு படத்தை லோகேஷ் கனகராஜ் இயக்க இருப்பதாகவும் இந்த படத்தில் சூர்யா அல்லது கார்த்தி நாயகனாக நடிக்க வாய்ப்பு இருப்பதாகவும் கூறப்படுகிறது
ஏற்கனவே கார்த்தி நடித்த ‘கைதி’ என்ற சூப்பர்ஹிட் படத்தை லோகேஷ் கனகராஜ் இயக்கியுள்ளார் என்ற நிலையில் சூர்யா படத்தை அவர் இயக்க அதிக வாய்ப்புள்ளதாக கூறப்படுகிறது. இருப்பினும் லோகேஷ் இயக்குனர் அடுத்த படம் என்னவாக இருக்கும் என்பதை அதிகாரபூர்வ தகவல் வெளிவரும் வரை பொறுமை காப்போம்