'தளபதி 67'க்கு முன் லோகேஷ் கனகராஜின் திடீர் அதிகாரபூர்வ அறிவிப்பு: ரசிகர்கள் ஷாக்!
- IndiaGlitz, [Tuesday,August 02 2022]
தளபதி விஜய் நடித்த இருக்கும் ’தளபதி 67’ படத்தை லோகேஷ் கனகராஜ் இயக்க இருக்கிறார் என்பதும் இதுகுறித்த அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது.
மேலும் ’தளபதி 67’ படத்திற்கான திரைக்கதையை 10 நாட்களுக்கு முன் எழுதத் தொடங்கி விட்டதாக லோகேஷ் கனகராஜ் சமீபத்தில் அறிவித்திருந்தார் என்பது குறிப்பிடத்தக்கது.
இந்த நிலையில் திடீரென லோகேஷ் கனகராஜ் தான் டுவிட்டர் உள்ளிட்ட அனைத்து சமூக வலைதளங்களில் இருந்து தற்காலிகமாக விலகுவதாகவும் தனது அடுத்த படத்தின் முறையான அறிவிப்பின் போது மீண்டும் சமூக வலைத்தளத்தில் வர இருப்பதாகவும் அவர் தெரிவித்துள்ளார். லோகேஷ் கனகராஜ் எடுத்த இந்த முடிவு அவரது ரசிகர்களுக்கு பெரும் அதிர்ச்சியாக உள்ளது.
’தளபதி 67’ படத்தின் திரைக்கதையில் முழுமூச்சாக அவர் ஈடுபட இருப்பதை அடுத்து சமூக வலைதளங்களில் இருந்து தற்காலிகமாக விலகி இருப்பதாக கூறப்படுகிறது. இந்த நிலையில் ’தளபதி 67’ படத்தின் அதிகாரப்பூர்வ அறிவிப்பு இன்னும் ஒரு சில வாரங்களில் வெளியாகும் என்று எதிர்பார்க்கப்படுகிறது.
Hey guys ✨
— Lokesh Kanagaraj (@Dir_Lokesh) August 1, 2022
I'm taking a small break from all social media platforms...
I'll be back soon with my next film's announcement ??
Till then do take care all of you..
With love
Lokesh Kanagaraj ????????