சென்னை புத்தக கண்காட்சியில் லோகேஷ் கனகராஜ் புத்தகங்கள்.. வருங்கால இயக்குனர்களுக்கு வரப்பிரசாதம்!
- IndiaGlitz, [Friday,January 06 2023]
சென்னையில் 46வது புத்தகக் கண்காட்சி இன்று தொடங்கப்பட்ட நிலையில் இந்த புத்தக கண்காட்சியில் லோகேஷ் கனகராஜ் இயக்கிய நான்கு படங்களின் திரைக்கதை புத்தகங்கள் விற்பனையாகி வருவதாக தகவல்கள் வெளியாகியுள்ளன.
லோகேஷ் கனகராஜ் இயக்கிய முதல் திரைப்படமான ’மாநகரம்’ மற்றும் ’கைதி’ ’மாஸ்டர்’ ’விக்ரம்’ ஆகிய நான்கு திரைப்படங்களின் திரைக்கதை புத்தகம் இன்று சென்னை புத்தக கண்காட்சியில் வெளியாகி உள்ளது.
இந்த புத்தகங்களை பேசாமொழி பதிப்பகம் வெளியிட்டுள்ளதாகவும் புத்தக கண்காட்சியில் பொதுமக்கள் பார்வைக்கு இந்தப் புத்தகங்கள் வைக்கப்பட்டுள்ளதாகவும் தெரிகிறது.
இந்த படங்களின் திரைக்கதை புத்தகங்கள் வருங்கால இயக்குனர்களுக்கு வரப்பிரசாதமாக இருக்கும் என்றும் ஒரு படத்தின் திரைக்கதை எப்படி அமைக்க வேண்டும் என்ற வழிகாட்டி இந்த புத்தகத்தில் இருக்கும் என்றும் எதிர்பார்க்கப்படுகிறது. எனவே சென்னை புத்தகக் கண்காட்சியில் இந்த நான்கு புத்தகங்களும் அதிக அளவில் விற்பனையாகும் என்று எதிர்பார்க்கப்படுகிறது.
ஏற்கனவே சூர்யா நடித்த ‘ஜெய்பீம்’ படத்தின் திரைக்கதை புத்தகமும் இந்த புத்தக கண்காட்சியில் கிடைக்கும் என நேற்று அறிவிக்கப்பட்டது என்பதை பார்த்தோம்.