சூப்பர் ஸ்டார் ரஜினிகாந்த் நடிப்பில் உலகநாயகன் கமல்ஹாசனின் ராஜ்கமல் இன்டர்நேஷனல் தயாரிப்பில் ’மாஸ்டர்’ இயக்குனர் லோகேஷ் கனகராஜ் இயக்கத்தில் ஒரு திரைப்படம் உருவாக இருப்பதாக கடந்த சில மாதங்களுக்கு முன்னர் தகவல் வெளியானது

இந்த படத்தின் ஆரம்பகட்ட பணிகள் தொடங்கி விட்டதாகவும் இதுகுறித்த அதிகாரபூர்வ அறிவிப்பு மிக விரைவில் வெளியாகும் என்றும் கூறப்பட்டது. இந்த நிலையில் இது குறித்த கேள்வி ஒன்றுக்கு பதிலளித்த லோகேஷ் கனகராஜ் ’இப்போதைக்கு இந்த படம் குறித்து நான் எதுவும் பதில் சொல்ல முடியாது என்றும், இன்னும் இந்த படம் குறித்த பேச்சுவார்த்தை நடந்து வருகிறது என்றும், இந்த படம் இன்னும் உறுதி செய்யப்படவில்லை என்றும் இந்த படம் குறித்த மற்ற விஷயங்களை தயாரிப்பு நிறுவனம் தான் சொல்ல வேண்டும் என்றும், இந்த படத்திற்கு இன்னும் நேரம் இருக்கிறது என்று நினைக்கிறேன் என்றும்கூறியுள்ளார்

மேலும் நான் எனது அடுத்த படத்தின் திரைக்கதையை தற்போது எழுத ஆரம்பித்துள்ளேன் என்றும், அடுத்த படம் குறித்த அறிவிப்பு விரைவில் வெளியாகும் என்றும் தெரிவித்தார்.

லோகேஷ் கனகராஜின் இந்த பதிலால் ரஜினி-கமல் இணையும் படம் இப்போதைக்கு இருக்குமா என்ற சந்தேகம் எழுந்துள்ளது