இன்று முதல் 'லியோ' அப்டேட் ஆரம்பம்.. விஜய் ரசிகர்களை குஷிப்படுத்திய லோகேஷ் கனகராஜ்..!
- IndiaGlitz, [Sunday,September 17 2023]
தளபதி விஜய் நடித்த ‘லியோ’ திரைப்படத்தின் படப்பிடிப்பு முடிவடைந்து தற்போது இறுதி கட்ட தொழில்நுட்ப பணிகள் நடைபெற்று வருகிறது. இந்த படம் வரும் அக்டோபர் 19ஆம் தேதி உலகம் முழுவதும் திரையரங்குகளில் பிரமாண்டமாக வெளியாக உள்ளது என்பதும் தெரிந்ததே.
இந்த நிலையில் நேற்று நடந்த திரைப்பட விருது விழா ஒன்றில் கலந்து கொண்ட இயக்குனர் லோகேஷ் கனகராஜ் அவர்களுக்கு ’விக்ரம்’ படத்திற்காக சிறந்த இயக்குனர் விருது கொடுக்கப்பட்டது. சென்ற ஆண்டு ’மாஸ்டர்’ படத்திற்காக சிறந்த இயக்குனர் விருது பெற்ற லோகேஷ் இந்த ஆண்டு ’விக்ரம்’ படத்திற்காக சிறந்த இயக்குனர் விருது பெற்றுள்ளார். இதையடுத்து அடுத்த ஆண்டு ‘லியோ’ படத்திற்காக சிறந்த இயக்குனர் விருதை பெறுவீர்கள் என்று தொகுப்பாளராக இருந்த நடிகர் சதீஷ் வாழ்த்துகளை தெரிவித்தார்.
இதற்கு நன்றி தெரிவித்த லோகேஷ் கனகராஜ் அதன் பின் ‘லியோ’ படத்தின் அப்டேட்டுகளை அதிக வேலை இருந்த காரணத்தால் வெளியிட முடியவில்லை என்றும் ஆனால் படம் ரிலீஸ் ஆவதற்கு 30 நாட்கள் முன்பே புரமோஷன் பணிகளை தொடங்க வேண்டும் என்ற திட்டமிட்டுள்ளோம் அதன்படி இன்று முதல் ‘லியோ’ அப்டேட் வெளியாகும் என்றும் தெரிவித்தார்.
இன்று முதல் அதாவது செப்டம்பர் 17 முதல் அடுத்தடுத்து ‘லியோ’ அப்டேட் வரும் என்று லோகேஷ் கனகராஜ் கூறியுள்ளதால் இனி விஜய் ரசிகர்களுக்கு இனி கொண்டாட்டம் தான் என்பது குறிப்பிடத்தக்கது.