தளபதி விஜய் நடிப்பில் இயக்குனர் லோகேஷ் கனகராஜ் இயக்கத்தில் அனிருத் இசையில் உருவாகிவரும் மாஸ்டர் திரைப்படத்தின் படப்பிடிப்பு இன்னும் ஒரு சில நாட்களில் முடிந்துவிடும் என்பது குறிப்பிடத்தக்கது அதன் பின்னர் முழு வீச்சில் இந்த படத்தின் போஸ்ட் புரடொக்ஷன் பணிகள் தொடங்கி ஏப்ரல் 9ஆம் தேதி இந்தப் படம் ரிலீசாக உள்ளது

இந்த நிலையில் ’தளபதி 65’ படம் குறித்த தகவல்கள் அவ்வப்போது வெளிவந்து கொண்டிருந்தாலும் இன்னும் அதிகாரப்பூர்வ அறிவிப்பு வெளிவரவில்லை என்பது குறிப்பிடத்தக்கது இந்த படத்தை சுதா கொங்கரா இயக்குவார் என்றும் சன் பிக்சர்ஸ் நிறுவனம் தயாரிக்கும் என்றும் கூறப்பட்டது

இந்த நிலையில் திடீர் திருப்பமாக ’தளபதி 65’ படத்தையும் லோகேஷ் கனகராஜ் இயக்க இருப்பதாகவும் இந்த படத்தை ட்ரீம் வாரியர்ஸ் நிறுவனம் தயாரிக்க இருப்பதாகவும் செய்திகள் வெளியாகியுள்ளது. இது குறித்த அறிவிப்பு விரைவில் அதிகாரப்பூர்வமாக வெளிவரும் என்று எதிர்பார்க்கப்படுகிறது. சூர்யா மற்றும் கார்த்திக் படங்களை மட்டுமே பெரும்பாலும் தயாரித்து வந்த ட்ரீம் வாரியர்ஸ் நிறுவனம் முதல் முறையாக விஜய் படத்தை தயாரிக்குமா? என்பதை பொறுத்திருந்து பார்ப்போம்

விஜய், தளபதி 65, ட்ரீம் வாரியர்ஸ் நிறுவனம், லோகேஷ் கனகராஜ், சுதா கொங்காரா,