லோகேஷ் கனகராஜின் அடுத்த படம் குறித்த தகவல்
- IndiaGlitz, [Saturday,April 11 2020]
தளபதி விஜய், மக்கள் செல்வன் விஜய் சேதுபதி, மாளவிகா மோகனன் உள்பட பலர் நடித்து முடித்துள்ள ’மாஸ்டர்’ படத்தை இயக்கிய இயக்குனர் லோகேஷ் கனகராஜ், இந்த படத்தின் போஸ்ட் புரொடக்ஷன் பணியையும் முடித்து விட்டதாகவும், தற்போது ’மாஸ்டர்’ படம் ரிலீசுக்கு தயாராக இருப்பதாகவும் கூறப்படுகிறது. இந்த நிலையில் கொரோனா பரபரப்பு முடிந்தவுடன் ’மாஸ்டர்’ திரைப்படம் சரியான தேதியில் ரிலீஸ் ஆகும் என்று எதிர்பார்க்கப்படுகிறது.
இந்த நிலையில் கடந்த சில வாரங்களாக உலகநாயகன் கமல்ஹாசனின் தயாரிப்பில் சூப்பர் ஸ்டார் ரஜினிகாந்த் ஒரு படத்தில் நடிக்கவிருப்பதாகவும் இந்த படம் குறித்த அறிவிப்பு விரைவில் வெளியாகும் என்றும் கூறப்பட்டது. மேலும் இந்த படத்தை லோகேஷ் கனகராஜ் இயக்குவதாகவும் செய்திகள் வெளியானது.
இந்த நிலையில் லோகேஷ் கனகராஜ் தனது அடுத்த படத்தின் திரைக்கதையை எழுத தொடங்கி விட்டதாக கூறப்படுகிறது. இந்த திரைக்கதை கமல்ஹாசன் தயாரிப்பில் ரஜினிகாந்த் நடிக்கும் படமா? அல்லது வேறு படமா? என்பதை பொறுத்திருந்துதான் பார்க்க வேண்டும்.