'தளபதி 64' லோகேஷனை தேர்வு செய்த லோகேஷ் கனகராஜ்
- IndiaGlitz, [Sunday,September 29 2019]
விஜய் நடிக்கவிருக்கும் 64வது படமான ‘தளபதி 64’ படத்தின் படப்பிடிப்பு அடுத்த மாதம் முதல் தொடங்கவிருக்கும் நிலையில் இந்த படத்தின் நாயகியாக மாளவிகா மேனன் மற்றும் வில்லனாக விஜய் சேதுபதி ஆகியோர் நடிக்கவிருப்பதாக வெளிவந்த செய்தியை ஏற்கனவே பார்த்தோம்.
தற்போது அடுத்தகட்டமாக இந்த படத்திற்கான லொகேஷன் பார்க்கும் பணியில் இயக்குனர் லோகேஷ் கனகராஜ் ஈடுபட்டுள்ளார். இந்த படத்தின் முக்கிய காட்சிகள் ராமேஸ்வரத்தில் படமாக்கப்படவுள்ளதாகவும் அதற்கான லொகேஷனை ராமேஸ்வரத்தில் அவர் முடிவு செய்துவிட்டதாகவும் தெரிகிறது. ராமேஸ்வரத்தில் லோகேஷ் மற்றும் அவரது குழுவினர் இருக்கும் புகைப்படங்கள் இணையதளத்தில் வைரலாகி வருகிறது.
அதிரடி ஆக்சன் படமாக உருவாகவிருக்கும் ‘தளபதி 64’ படத்தின் பெரும்பாலான படப்பிடிப்பு தமிழகத்திலேயே இருக்கும் என்றும் படக்குழுவினர்களிடம் இருந்து தகவல் வெளிவந்துள்ளது. மேலும் இந்த படம் வரும் கோடை விடுமுறையில் வெளியிட திட்டமிடப்பட்டிருப்பதால் இதுவொரு குறுகிய கால தயாரிப்பு என்பதும் குறிப்பிடத்தக்கது.