ஓம் நமசிவாயா: 'மாஸ்டர்' இயக்குனரின் வைரலாகும் டுவீட்!
- IndiaGlitz, [Sunday,January 10 2021]
தளபதி விஜய் நடித்த ‘மாஸ்டர்’ திரைப்படம் வரும் 13ஆம் தேதி உலகம் முழுவதும் பிரமாண்டமாக வெளியாக உள்ளது என்பது குறிப்பிடத்தக்கது. இந்த படத்தின் புரமோஷன் பணிகள் விறுவிறுப்பாக நடைபெற்றுக் கொண்டிருக்கும் நிலையில் இந்த படத்தை எதிர்நோக்கி கோடிக்கணக்கான விஜய் ரசிகர்கள் மிகுந்த ஆவலுடன் காத்திருக்கின்றனர்.
இந்த நிலையில் ஒரு பக்கம் படக்குழுவினர் புரமோஷன் பணிகளை செய்து கொண்டிருக்கும் நிலையில் இன்னொரு பக்கம் இயக்குனர் லோகேஷ் கனகராஜ் ‘மாஸ்டர்’ திரைப்படம் வெற்றிபெற திருவண்ணாமலை கோவிலுக்கு சென்று வழிபாடு நடத்தியுள்ளார். அவருடன் ‘மாஸ்டர்’ படத்தின் இசையமைப்பாளர் அனிருத்தும் சென்றுள்ளார் என்பது குறிப்பிடத்தக்கது.
சாமி தரிசனம் முடிந்தபின் கோவிலின் முன் விபூதி குங்குமப் பொட்டுடன் லோகேஷ் கனகராஜ், அனிருத் அனைத்து உள்பட படக்குழுவினர் நிற்கும் புகைப்படத்தை தனது டுவிட்டரில் பதிவு செய்துள்ளார் லோகேஷ் கனகராஜ். மேலும் அதில் ’ஓம் நமச்சிவாயா’ என்றும் பதிவு செய்துள்ளார். இந்த புகைப்படம் தற்போது விஜய் ரசிகர்களால் வைரலாக்கப்பட்டு வருகிறது என்பது குறிப்பிடத்தக்கது.
Om Namah Shivaya ???? pic.twitter.com/y8VKm4KWUo
— Lokesh Kanagaraj (@Dir_Lokesh) January 10, 2021