ஐபோனில் எடுக்கப்பட்ட ஆண்ட்ரியா படம்: ஒருசில நாட்களில் ரிலீஸ்
- IndiaGlitz, [Monday,April 27 2020]
கொரோனா வைரஸ் காரணமாக ஊரடங்கு உத்தரவு பிறப்பிக்கப்பட்டுள்ளதால் கடந்த ஒரு மாதத்திற்கும் மேலாக திரைப்படப்படப்பிடிப்பு ரத்து செய்யப்பட்டுள்ளது. இதனையடுத்து திரைப்பட தொழிலாளர்கள் முதல் மாஸ் நடிகர்கள் வரை வேலையின்றி வீட்டில் முடங்கி கிடக்கின்றனர்.
இருப்பினும் வேலை செய்து கொண்டிருந்தவர்களின் கைகள் சும்மா இருக்காது என்பதை நிரூபிப்பதை போல் தற்போது ஐபோனில் ஒரு குறும்படம் எடுக்கப்பட்டுள்ளது. ‘மாஸ்டர்’ நடிகை ஆண்ட்ரியா முக்கிய வேடத்தில் நடித்திருக்கும் இந்த குறும்படத்தின் டைட்டில் ’லாக்டவுன்’
ஆதவ் கண்ணதாசன் இயக்கத்தில் நிதின்ராம் ஒளிப்பதிவில் கார்த்திக் படத்தொகுப்பில் சிவா சவுண்ட் எபெக்ட்ஸில் உருவாகியுள்ள இந்த படத்தின் கெட்டின் ட்ரீம் ஸ்டுடியோஸ் நிறுவனம் தயாரித்துள்ளது. இந்த குறும்படத்தின் ஃபர்ஸ்ட்லுக் போஸ்டர் தற்போது வெளியாகியுள்ளது என்பதும் அதில் விரைவில் இந்த குறும்படம் வெளியாகவுள்ளதாக அறிவிக்கப்பட்டுள்ளது என்பதும் குறிப்பிடத்தக்கது.