లైవ్ లో..లోఫ‌ర్...
- IndiaGlitz, [Monday,September 07 2015]
సెన్సేష‌న‌ల్ డైరెక్ట‌ర్ పూరి జ‌గ‌న్నాథ్... వ‌రుణ్ తేజ్ హీరోగా లోఫ‌ర్ చిత్రాన్ని తెర‌కెక్కిస్తున్నారు. ఈ సినిమాని సి.క‌ళ్యాణ్ నిర్మిస్తున్నారు. రాజ‌స్థాన్ లో షూటింగ్ జ‌రుపుకున్న లోఫ‌ర్ తాజాగా గోవాలో షూటింగ్ జ‌రుకుంటుంది. ప్ర‌స్తుతం క్లైమాక్స్ సీన్స్ షూట్ చేస్తున్నారు. ఈ షెడ్యూల్ తో షూటింగ్ కంప్లీట్ అవుతుంది. అయితే కొత్త‌ద‌నం కోసం త‌పించే పూరి ఈసారి లోఫ‌ర్ షూటింగ్ ను లైవ్ లో చూపిస్తే ఎలా ఉంటుంద‌నుకున్నాడు.
ఆలోచ‌న రావ‌డ‌మే ఆల‌స్యం...వెంట‌నే ఆచ‌ర‌ణ‌లో పెట్టేసాడు. టెక్నాల‌జీని ఉప‌యోగించుకుని పెరిస్కోప్ ద్వారా లోఫ‌ర్ షూటింగ్ ను లైవ్ లో చూపించాడు. హీరో వ‌రుణ్ తేజ్, విల‌న్ చ‌ర‌ణ్ దీప్, ఆలీ త‌దిత‌రులు ఈ షూటింగ్ లో పాల్గొన్నారు. పూరి స్పీడు లైవ్ లో స్ప‌ష్టంగా క‌నిపించింది. వ‌రుణ్ తేజ్ కంచె చిత్రం అక్టోబ‌ర్ 2న రిలీజ్ చేయ‌నున్నారు. అదే టైంకి లోఫ‌ర్ కూడా షూటింగ్ పూర్తి చేసుకుని రిలీజ్ కి రెడీ చేస్తున్నారు. షూటింగ్ లైవ్ లో చూపించ‌డం అంటే ఇదే ఫ‌స్ట్ టైం అనుకుంట. ఏది ఏమైనా పూరి స్టైలే వేరు.