தமிழக முதல்வர் ஓபிஎஸ் அவர்களுக்கு இதுவரை ஒரு அமைச்சர், ஐந்து எம்.எல்.ஏக்கள், எட்டு எம்பிக்கள், இரண்டு முத்த நிர்வாகிகள் ஆகியோர் பகிரங்கமாக ஆதரவு கொடுத்துள்ளனர். மேலும் பல எம்பிக்களும், எம்.எல்.ஏக்களும் ஓபிஎஸ் அவர்களுக்கே ஆதரவு என்றும் அதை தக்க நேரத்தில் அறிவிப்போம் என்று கூறியதாகவும் செய்திகள் வெளிவந்துள்ளது.

இந்நிலையில் ஓபிஎஸ் அவர்களுக்கு தற்போது திரையுலகினர்களின் ஆதரவும் கிட்டியுள்ளது. நடிகர் ராமராஜன் சற்று முன்னர் ஓபிஎஸ் அவர்களின் இல்லத்திற்கு வருகை தந்து தனது ஆதரவை தெரிவித்தார். ஜெயலலிதாவால் அடையாளம் காட்டப்பட்டவர் முதலமைச்சர் ஓ.பன்னீர்செல்வம் என்றும், அவர் சமூகவலைத்தளங்களின் கதாநாயகன் என்றும் ராமராஜன் கூறியுள்ளார்.

மேலும் முன்னாள் எம்.எல்.ஏ.வும் நடிகருமான அருண்பாண்டியன், நகைச்சுவை நடிகர் தியாகு ஆகியோர்களும் ஓபிஎஸ் இல்லத்திற்கு வந்து தங்களது ஆதரவை தெரிவித்துள்ளனர்.