பிரபாஸ், ஷராதா கபூர் நடித்த 'சாஹோ' திரைப்படம் நேற்று உலகம் முழுவதும் பிரமாண்டமாக வெளியாகியது. இந்த படத்திற்கு கலவையான விமர்சனம் கிடைத்தபோதிலும் முதல் நாள் வசூல் பிரமிக்கத்தக்க வகையில் இருந்ததாக செய்திகள் வெளிவந்துள்ளது

இந்த நிலையில் இந்த படத்தில் இடம்பெற்ற ஒரு காட்சியை நடிகை லிசா ராய் கடுமையாக விமர்சனம் செய்துள்ளார். இந்த படத்தில் இடம்பெற்ற Baby Won't You Tell Me" என்ற பாடலில் இடம்பெற்ற ஒரு பின்னணி காட்சி, அப்படியே ஒரு ஓவியத்தில் இருந்து காப்பி அடிக்கப்பட்டதாகவும், அந்த காட்சியையும் அதன் ஒரிஜினல் ஓவியத்தையும் தனது இன்ஸ்டாகிராம் பக்கத்தில் பதிவு செய்து கடுமையாக விமர்சனம் செய்துள்ளார். சொந்தமாக கிரியேட்டிவ் செய்யும் கலைஞர்கள் எண்ணிக்கை குறைந்துவிட்டதாகவும் அவர் அதிருப்தி தெரிவித்தார்.

நடிகை லிசாராய், சரத்குமார் நடித்த 'நேதாஜி' படத்தின் நாயகி என்பதும், இவர் தமிழ், தெலுங்கு, கன்னடம் மற்றும் இந்தி படங்களில் நடித்தவர் என்பதும் குறிப்பிடத்தக்கது