స‌రైనోడు త‌ర్వాత స్టైలిష్ స్టార్ అల్లుఅర్జున్‌తో సినిమా చేయ‌డానికి త‌మిళ ద‌ర్శ‌కుడు లింగుస్వామి సిద్ధ‌మ‌య్యాడు. అందుకు విశాల్ పందెంకోడి సీక్వెల్‌ను కూడా వ‌దులుకున్నాడు. అయితే ఏం జ‌రిగిందో ఏమో కానీ ఇప్పుడు లింగుస్వామి విశాల్ పందెంకోడి సీక్వెల్ చేయ‌డానికి సిద్ధ‌మైపోగా, బ‌న్ని హ‌రీష్ శంక‌ర్ ద‌ర్శ‌క‌త్వంలో సినిమా చేయ‌డానికి రెడీ అయ్యాడు.

మ‌రి బ‌న్ని, లింగుస్వామి సినిమా ఏమైంద‌ని అడిగితే సినిమా అగిపోలేద‌ని, ప్ర‌స్తుతం స్క్రిప్ట్ ఇంకా కొలిక్కి రాక‌పోవ‌డంతో దానిపై వ‌ర్క‌వుట్ చేస్తున్నామ‌ని, స్క్రిప్ట్ ప‌క్కాగా కుదిరాక బ‌న్నితో సినిమా చేయ‌డానికి రెడీయే అన్న‌ట్టు కోలీవుడ్ మీడియాతో లింగుస్వామి చెప్పుకొచ్చాడ‌ట‌. అయితే హ‌రీష్ శంక‌ర్ త‌ర్వాత‌, విక్ర‌మ్ కుమార్ ద‌ర్శ‌క‌త్వంలో బ‌న్ని ఓ సినిమా చేయ‌బోతున్నాడు. ఈ రెండు సినిమాలు అయ్యే వ‌ర‌కు లింగుస్వామి వెయిట్ చేయాల్సిందే మ‌రి...